بنەیانەو زینڎانییاو گێرتەخانەو "ئەسپیەو گرێسونێ" باسوو ئانەیشا کەرڎەن، کە ڕاوەبەرۍ گێرتەخانەکەی هجوومشا کەرڎەن سەروو زینڎانییا. بە پاو قساو بنەیانەکا، زینڎانییەکۍ مانگێوەن بە نۊرە دەسشا بە چالاکیی مانگێرتەی کەرڎەن جە وارڎەی و گرڎ ڕووۍ ڕووبەڕووۍ تنڎوتیژیی دەروونیی باوە.

ئەرەیاونیا کە ڕاوەبەروو گێرتەخانەکەی "ئۊرهان ئاکپنار" و وەرپرسوو حەرەسەکا بە نامۍ هاکانی و بڕۍ حەرەسۍ تەرۍ، پێوە کوانشا سەر ژووروو زینڎانییە سیاسییەکا و دووۍ زینڎانیۍ سیاسیێشا بە نامەکاو "ئیسماعیل تایلانی" و "عیسا ئاسلانی" ئەشکەنجە دێنۍ.

زینڎانییەکۍ باسوو ئانەیشا کەرڎ، ئاڎۍ ئینۍ خەموو ڕەفێقەکاشانە، بەڵام مەزانیۊ پەی کۊی بریێنۍ و ڕاوەبەروو گێرتەخانەکەی واتەنش، " وەختوو جەداردایتا ئامان."

زینڎانییەکۍ داواشا جە ڕێکوزیایەکاو مافەکاو مرۊڤی و کۊمەڵایەتیی کەرڎە، کە وەراوەروو ئی پاشێلکارییاوە بێدەنگۍ نەبا.