پەڕلەمانتارو ئەستەنبوڵی پارتی دیموکراسی و یەکسانی گەلا (دەم پارتی) جەلال فرات پەی ئاژانسیما قسێش کەردێ و ئاماژەش پانەیەدا چەمپنەکەوتەی چنی ڕابەر ئاپۆی دلێ ڕایو گرڏینە بازنە و هیوێوە گۆرەس وەشکەردەن، ئینەش ئانەیە بەر وزۆنە کە گلێرگە پەنەوازیش بە چارەسەرو ئاشتیی هەن و واتش: "جەختکەردەیۆ و پارادایمەکا ئێژا ئۆجالانی سەرو پرسو کوردی، کێشەکێ تورکیای و وەرکەوتوو دلێڕاسەی گرنگێ و کاریگەرەنێ."

جە بەردەوامینە جەلال فرات سەرنجش وست سەرو سیاسەتەکا دەسەڵاتداری دلێ وچبەرو تورکیای، ئاماژەش پانەیەدا ئانەی دەسەڵات مکەرۆش 'بانێوەن و دووێ هەوێ' و باسش چانەیەکەرد دۆڵەتو تورکی ئەرەگیری جە سووریانە گرڏ ڕوێ بە بۆمبوارانو مێڏنو مەدەنی جە قڕکەردەو هاموڵاتیێ مەدەنیێ، ڕۆنامەوانێ و زاڕۆڵا و ئینەش وات: "جە لێوە داواو ئاشتی دەکەنمکەرا و ماچانە بەیدێ پێوەرە ڕێکێگنمێ. کەواتە جە کاتێنە شمە باسو واڵەو-برایەتی بەینو گەلا مکەرا، جەولایش هرووژم دژ بە گەلەکەیما مکەرۆ. بەدڵنییایۆ ئینە یاگێ قەبوڵکەردەی نییا و جە دژو هرووژمەکا سەر وەرنیشتی دەنگمان بەرز مکەرمێ."

'مشۆم گەل جە ئەوەکۆشای هامبەشەنە بۆ'

فرات جە قسەکاشەنە سەرنجش وست سەرو ڕوانگەو تەڤگەرو کوردی سەرو پرۆسەکەی و دەسنیشانش کەرد ڕوانگەو تەڤگەرو کوردی فرە ڕۆشن و ئاشکران، ویستو چارەسەرکەردەو پرسو کوردیشا.

ئاماژەش پانەیشدا ئا هرووژمێ کریانە سەرو عەلەوییەکا جە سووریانە بەگرڏ شێوێ یاگێ قەبوڵ کەردەی نییا، جە دژو ئا هرووژمە دژەمرۆڤایەتییا مەبۆنە کەس بێدەنگ بۆنە و واتش: "چی قۆناغەنە گرڏو گەلا پەنەوازیشا بە پشتگیری یۆتری هەن و ئەوەکۆشای هامبەش کەرا پەی ئاشتی هەمیشەیی."

'ئەوەکۆشایما بەردەوام بۆنە'

فرات باسش چانەیە کەرد مشۆم گرڏما جە ئەوەکۆشایما بەردەوامێ بیمێ پەی دمای ئاردەی بە دژبەری و ئاژاوێ ئاکەپەی و مەهەپەی جە تورکیا و وەرکەوتوو دلێڕاسەینە و ئەوەکۆشای پەی بنیادنیای ئاشتی بەهێزتەر بکەرمێ و ئینەش وات: "سیاسەتو کوردی بڕوای تەمامەش بە ئاشتی هەنە، پەی ئینەی ئەوەکۆشمێنە. ئی ئاشتییە پەی گرڏو گەلا هەرێمەکەین."