١٥و ئایاری، جە هۆتێل هایکرستەنە جە شارو سلێمانی، بە دەسوەڵێوستەی ڕێکوزیا یۊبیەی ژەنا کوردەسانی، بە درووشمۊو "سەرو بنەماو شۆڕشو ژەنا، بەرەو گلېرگێوە دیموکراتیک" یووەمین کۆنگرەو دماو ئەرەمەرزنای هامپەیمانی نەدای (هامپەیمانی ژەنا دیموکراتیکو هەرێمی) دەسش پنەکەرڎ، جە ئیساتێچەنە هەرمانە و چالاکییەکۍ یەرەم ڕۊی دەسشا پنەکەرڎەن.

هەرمانەکۍ ئارۊی، سەرەتا بە وستەی ڕوو گوزارشتەو  هەرمانە و چالاکییەکا هامپەیمانێتییەکەی جە مابەینو ساڵەکا ٢٠٢١ پەی ٢٠٢٥، بە ڤیدیۆ وزیاڕووە.

کۆنگرەکە ئارۊ جە یەرۍ بەشا پێکمۍ و چنەشەنە گفتوگۆ سەرو چن مژارێوە مکریۆ و هۊرچنیەیچ ئەنجام مڎریۆ.

جە دووە ڕۊی ۋېیەردەنە، جە چوارچێوەو چن پانێڵێوەنە جەخت جە ئەوەکۊشای ژەنا پەی ئازادیی و یەکسانی و ئازادی ڕابەر ئاپۆی و پاڵپەشتیکەردەی ڕێکوستەیەکا ژەنا کریاوە و ئاماژە بە ئاستەنگییەکا جە لایەنو ئاوەزیەتو پیاسالاری و سیستەمو سەرمایەداری و دۊڵەت-نەتەوەیۆ کریا.