کەنەکە : جەژنەو پەیڎابییەی حەزرەتوو مەسیحیش پیرۊزە کەرڎە .
کۊنگرەو میان نەتەوەېې کورڎسان (کەنەکە)ی بە وەڵاکەردەېۊ پەېامێۋە، جەژنەۋ پەیڎابییەی حەزرەتوو مەسیحیش پیرۊزە کەرڎە.
پەېامەکەو کەنەکەی:
جەژنەو پەیڎابییەی حەزرەتوو مەسیحی پیرۊزە بۊ .
ڕۊو پەیڎابییەی حەزرەتوو عیسای جە دنیانە و پەېڕەوا مەسیحینە ڕووۍ پیرۊزا. ڕۊدیاروو(٢٥) مانگەو کانونوو ېەکەمی پێسە
ڕۊو پەیڎابییەی حەزرەتوو عیسای بەرز مرمانمێ . ڕووە دینییە پیرۊزەکۍ لاو گرڎوو دینەکاوە بەھێۋە تایبەتەشا ھەنە، پەېڕەوا گرڎوو دینەکا ڕووە گرنگەکاو وێش بە شاڎې و وەشی، جە پەرسگاکانە ېاڎ کەراوە.
جە کورڎسانەنە ژمارێۋە فرە جە باوەڕڎاراو حەزرەتوو عیسای و کتێبوو ئینجیلی پیرۊزی ھەنۍ، کە جە ھاموڵاتییە بەنرخەکاو کورڎسانیەنۍ. دلۍ کۊنگرەو میان نەتەۋەیی کورڎسانیچنە نوێنەروو ھاموڵاتییە مەسیحییەکا ھەن.
جەژنەو پەیڎابییەی حەزرەتوو مەسیحی نزیکەو (٢٠٠٠) ساڵێن جە کورڎسانەنە پیرۊز کرېۊ و جە وڵاتوو ئێمەنە بیێنە بە جەژنێۋە سەرەکییە و گردینە.
بە بۊنەۋ ئې ڕووە پیرۊزەیۊ کۊنگرەو میان نەتەۋەیی کورڎسانی، بە ڕێز و وەشەویسیوە پیرۊزبایی ئی جەژنۍ جە مەسیحییەکاو کورڎسانی و گرڎوو دنیێ مکەرمۍ، ئاواتەوازێنمێ ، کە ئی ڕووە بۊ بە مەڵامەتوو ئاشتی و ئارامی و خێرێ و ۋەشی، پۍ گرڎوو مرۊڤاېەتی جە ھەر ېاگێۋە دنییێنە .
ھ.ئ
