کەسکین بایندر ھامسەرۊکوو دەبەپەی کە چەنی (١٤) جە ھامسەرۊکا شارەکا تەروو دەبەپەی جە چوارچێوەو وردبییەېۊکاو داواکاری گرڎینەو کۊماروو ئامەڎیەنە گیرېابۍ، دۊڵەتوو ترکیەی ئارۊ بڕیاروو گێرتەی و زیڼڎانیکەرڎەیش پۍ بایندری بەر کەرڎە .
کەسکین بایندر ھامسەرۊکوو پارتوو ھەرێمە دیموکراتییەکاو دەبەپەی جە ڕۊدېاروو (23) مانگەو کانوونوو ېووەمی چەنی (١٤)جە ھامسەرۊکاو شارەکا تەروو دەبەپەی گیرېابۍ دماو ورگێرتەی واچەکاش، جە لاېەنوو داواکاری گرڎینیۆ، بایندر بە تۊمەتەو ئەنڎامبییەیش، جە "ڕێکوستەی" ڕێکخستننە برېا پۍ داڎگاو ئێشکگیری داڎوەری ئامەڎی .
دادگاکە سەروو داواو داواکاری گرڎی بە تۊمەتەو ئەنڎامبییەیش، جە ڕێکوتەسینە بڕیاروو گێرتەی و زیڼڎانیکەردەیش پۍ بایندری بەر کەرڎە.
کەسکین بایندر ھامسەرۊکوو دەبەپە و ئامەڎی وەڵۍ ورگێرتەی واچەکاشنە، ھەر ېۊ جە ھامسەرۊکا " ئێلح بورھان ئەگلەنتی و ڕوکیەتە ئۊنات گۊنول " ھامسەرۊکۍ دەبەپەو شاروو ڕەحای و ھەرېۊ جە ھامسەرۊکا "ڕابیعە ئەسڵان و ھیداېەت ئەنمەک " ھامسەرۊکۍ دەبەپە و شاروو دېلۊکی و ھەر ېۊ جە ھامسەرۊکا " ئەدھەم ئونال و زڵێخا ئەرسەلان " ھامسەرۊکۍ دەبەپەو شاروو شەرناخی و ھامسەرۊک " زەکی ئیرمەز " ھامسەرۊکوو دەبەپەو شاروو مێردینی و ھەرېۊ جە ھامسەرۊکا " شەرەفەدین ئەسڵان و سورەېا دوندار " ھامسەرۊکۍ دەبەپەو ئاگری و ھامسەرۊک " مەلیک ئۆزموش " ھامسەرۊکوو دەبەپەو شاروو وانی و ھەر ېۊ جە ھامسەرۊکا " شەنگوڵ پۆڵات و ھارون ئۊکەی بە مەرجەو مەنەېۊشا چێروو چەمڎاریی داڎگای و قەڎەغەکەردەی سەفەروو بەرو وڵاتی ئازاڎۍ کریۍ.
"خەیرەدین ئاڵتوون"یچ ھامسەرۊکوو دەبەپەو شاروو ئامەڎیچ بڕېاروو زینڎانیکەرڎەیش پۍ بەر کرېا .
ھ.ئ
