جە تەپو پانیشتو دەگاو " بیرھۊرکی " سەر بە پارێزگاو " سێرت "و سەرنیشتو کورڎسانی ، ئاسەوارو کێڵێۋە (٥) ھەزار ساڵا چێۋەڵتەری ئیزېاۋە ، ئې کێڵۍ (٣٩) تەۋەنێش ھەنۍ و ئەڎاو کێڵۍ شەتڕەنجیا .
جە تەپو پانیشتو دەگاو " بیرھۊرک"ی سەر بە پارێزگاو " سێرت "و سەرنیشتو کورڎسانی نزیک بە بەحرەکاو پانیشتیو بەحرو بۊتان-ی ېاگێۋە ئاسەوارو سەردەمە کۊنەکا ئیزېاۋە . ئا مەنتیقە پەنج ھەزار ساڵۍ چێۋەڵتەر پێسە زیارەتگای بەکار ئامان و ئەڎاو کێڵۍ شەترەنجیش چنە ئیزېاۋە ، ئەگەرو ئانەی ھەن کێڵەکۍ بەشێۋە بۊ جە ماڵو موڵکو کەسەکەی دنیانە دەرڎەش وارڎەبۊو بەھا داربیەبۊ، پۊکەی چنی کەسەکەی ئەسپەرڎەو خاکی کرېان .
تەۋەنەکێش ٣٩ تەۋەنێنۍ جە کنەو وشکنا ئاسەواریەکاو ساڵەو ٢٠١٣ سەرو تەپو پانیشتو دەگاو " بیرھۊک "ی ئیزېاۋە . دماین تەۋەنەو کێڵەکۍ ساڵەو ٢٠١٩ ی ئیزېاۋە . تەپەکە گنۊ دوری ٢٠ کیلۊمەترا جە سەرنیشتو ۋەرکەوتو ناۋەنڎو شارو سێرتی ، تەۋەنۍ کێڵەکۍ سەرو شکڵو حەیوانا بةشێۋێوە ئەندازەیی سەرو شکڵو توتەو بەرازی و ھەڕەمۍ ېەرەگۊشەی ۋەشکریێنۍ .
بەپاو کوڵیایۊ زاناېا، ئینە تەۋەنی کێڵۍ دووە کەسین و کێڵەکۍ کێڵێۋە ڕامکەرڎەیو ھورئاماین، ېان بە مانێۋەتەر کێڵێۋە ستراتیژین ، ۋەلێم مەزانرېۊ کێڵەکۍ چنی کرېۊ .
ھ.ئ
