گردینوو ڕێکوزیاو مافوو مرۆڤی جە عێراقنە ئەرەیاوناش، هجوومەکاو ترکیەی هجوومێ جیددیێنۍ و هەڕەشێنۍ پەی سەروو عێراقی بەگرڎی و کورڎسانی بەتایبەتی، حەرپاسە پیویسا حکومەت قسەوباسی جیددی چەنی دەزگا میاننەتەوەییەکا بکەرۆ، پەی دماییئارڎەی بە هجوومەکاو ترکیەی.
وەلید حیلی سکرتێری گرڎینە و ڕێکوزیاو مافوو مرۆڤ-ی عێراقنە بە ئاژانسوو "ڕۆژنیوز"یش ئەرەیاونا، ئۆپراسیۆنە ئەرەگیرکارییەکا ترکیەی عێراقنە تەرسێ جیددیەنێ پەی سەروو عێراقی بەگردی و کورڎسان بەتایبەت، حەر پاسە هەڕەشێنی سەروو ئارام و ئاسایشەو وەڵاتی.
ئاماژەیچش پانەیە کەرد، پیویسا حکومەتوو عێراقی، قسەوباسی جیددی چەنی دەزگا میاننەتەوەییەکا پێسە "ئەنجوومەنوو ئاسایشی و داڎگەو داڎوو نەتەوە یۆگیرەکا" بکەرۆ، پەی دماییئارڎەی پا ونمتەیە و پا تنڎوتیژییا کە ترکیە خەریکشانە.
سکرتێری گرڎینوو ڕێکوزیاو مافەکامرۆڤ-ی ئانەیچش وست ڕووە، میللەتوو کورڎی بەشێوە سەرەکیی عێراقین و مشۆم جە لاو وەرپەرسە عێراقییەکا و ڕێکوزیایەکا مافوو مرۆڤی-وە، دژوو ئەرەگیرییەکا ترکیەی وەرگێرییشا چەنە کریۆ.
یاگێ واتەینە دەوڵەتی ئەرەگیروو ترکی، سەرەمڕا جە هجووم و ئەرەگێرییەکاش پەی سەروو خاکوو هەرێموو کورڎسانوو عێراقی، بە درێژیی دەیا کیلۊمەترا، ئامان دلۍ خاکوو عێراقیوە، هجوومێ کەرۆ سەروو دەگا سەرحەڎییەکا هەرێمی و خەڵکی مەڎەنی کەرۆ قوربانی.
