هەڵمەتۆو "یەرەشەممەکا نا پەی جە قەنارەدای" جە ٦٨ەمین حەفتەنە دژو سزاو جە قەنارەدای ئەرەیاۋنێوەش وەڵا کەرڎۆ و ئاماژەشا پانەی دان جە سەرەتاو مانگۊو ئایاریوە ٩٦ زینانیۍ جە شارەکا ئێرانی و ۋەرکۊتوو کوردەسانینە جە قەنارە دریێنۍ و یووەشا ژەنینە .
هەڵمەتۆو "یەرەشەممەکا نا پەی جە قەنارەدای" ئەرەیاۋناش، جە سەرەتاو مانگۊو ئایاریوە تا ئیساتۍ ٩٦ زینانیۍ جە شارەكا ئێرانی و ۋەرکۊتوو کوردەسانینە جە قەنارە دریێنۍ، کە یووەشا ژەنی بیێنە، هەرپاسە ئاماژەشا پانەیچ دان دەسەڵات نمەتاوۆ قەیرانەو دلېینەیی و جبەری چارەسەر بکەرۆ، هەرپۊکەی هەڵمەتۊو جە قەنارەدایش زیاڎ کەردەن.
جە ئەرەیاۋناکەینە ئاماژە پانەی کریان بەرکەردەی و جابەجێکەردەی سزاو جە قەنارەدای جە لایەنو دادگاو حکومەتیوە بەردەواما، بەجۆرێوە جە سەرەتاو مانگۊو ئایاریوە تا ئیساتۍ ٩٦ زینانیۍ جە شارەكا ئێرانی و ۋەرکۊتوو کوردەسانینە جە قەنارە دریێنۍ، کە یووەشا ژەنی بیێنە.
جە بەردەوامی ئەرەیاۋناکەینە ئاماژە پانەی کریان، دووۍ زینانیۍ تەرۍ سیاسیی بە نامەکا ئەمین فەرەحی و ئاورگیساوەندانی هۊنیەرو خەڵکو گێلانی بە تۆمەتۊو "یاخیبیەی و چەکڎاری"، ئیحسان فەریدی خۊنکارو زانکۆو تەبرێزی بە تۆمەتۊو "چەکڎاری" سزاو جە قەنارەدایشا سەرەرە سەپیان.
جە ئەرەیاۋناکەینە سەرنج وزیان سەرو ئانەی سەرەڕاو ئا سزا نامرۆڤانۍ ڕا بە زینانییەکا نمەڎریۆ پارێزنەرێوە بێزاوە، هەرپۊکەی داوا مکەرمۍ ڕیکوزیاکا مافو مرۆڤی و وەرهەڵسکارا سزاو جە قەنارەدای جە ئەرەمەرزیا سەربەخۆکا مافو مرۆڤی سکاڵا تۆمار بکەرا، جە دژو ئا دادوەرا کە چۊوە گلیێنۍ جە بەرکەردەی ئی سزایانە.
هەڵمەتۆو "یەرەشەممەکا نا پەی جە قەنارەدای" جە ٩ـو کانوونو دووەمو ٢٠٢٣ ێنە پېسە ناڕەزایەتیێوە دژو جە قەنارەدای باڵبەسکریایا ۋەرکۊتوو کوردەسانی و ئێرانی ئەرەمەرزیارە، کە گرڎ یەرەشەمێوە ئەنداماو هەڵمەتەکۍ دەس بە مانگېرتەی جە واردەی مکەرا.
