چالاکی ئێشکگیریی ئازاڎیی جە کەمپو پەنابەرا گەشمەرڎە رۆسەم جودی (مەخمور)ینە کە جە ٢٠و تەمووزو ٢٠٢٣ێنە پەی ماڕای گۆشەگیری چڕ و ئازاڎیی بەڎەنی رابەرو گەلوو کورڎی عەبدوڵا ئۆجالانی دەسشپنە کریان، جە ڕۆو ٤١٦ەمینینە و جە ڕاو گروپو ٨٢ ەمینیوە بەردەواما.

مەراسیمو فاڕای نۆبەتو ئێشکگرییەکەی جە دەزگاو بنەیانەو گەشمەرڎانە بە دەیەقێوە بێدەنگی پەی رێزگېرتەی جە گرڎوو گیانبەخشایا ئازاڎیی کورڎەسانی دەسشپنەکەرڎ. دماو رێزگێرتەکەی بەنامۍ گروپو ٨١ەمینیۆ سلێمان شاخی وتێوەش پێشکەش کەرڎ.

سلێمان شاخی جە سەرەتاو قسەکاشەنە خێرئامای خەڵکو کەمپەکەی و چالاکاش کەرڎ و واتش، "ئێمە پەی ئازاڎیی بەڎەن و رابەر ئاپۆی چنەیچ چالاکی بکەرمۍ کەما. پۊکەی تا ئا کاتەی رابەر ئاپۆ بە شێوەی بەڎەنی ئازاڎ مبۆ، ئێمە درێژە بە چالاکیەکاما مڎەیمۍ".

چالاکیەکە بە واتەیۆ دروشمەکا پېسە "بژیۋۆ سەرۆک ئاپۆ" و "بێ سەرۆکی ژیۋای نمەبۆ" رادەسو گروپو ٨٢ەمینی کریا.