نەپەگە: قەرارو ئایێربەسو پەکەکەی گرڎو هێزەکاما گێرۊوە
مېیانو پارێزنای گەلی(نەپەگە): جە چوارچێوەو بانگەوازییەکەو ڕابەر ئاپۆینە، قەرارو ئایێربەسی کە پارتەکەما پەکەکە، جە ١و ئادارو ٢٠٢٥ینە ئەرەیاۋنانش، گرڎو هێزەکاما گێرۊوە.
فەرمانداریی مېیانو پارېزنای گەلی (نەپەگە) جە فەرمانێوەنە بە نامۍ "پەی گرڎو هێزەکاو پارېزنای گەلی" ئی چێوێشە ئەرەیاۋنۍ:
"جە چوارچێوەو بانگەوازییە تاریخیەکەو ڕابەر ئاپۆی، ئا ئایێربەسەی کە پارتیما پەکەکە، جە ١و ئادارو ٢٠٢٥ینە ئەرەیاۋنانش گرڎو هێزەکاما گێرۊوە. پەنەوازا گرڎو فەرماندەکا و یەکینە پەیوەندیدارەکا ۋەرا ۋەر پا قەرارەو پارتیما بە هەستیارییوە مامەڵە بکەرا و بە تەمامی جابەجێش بکەرا.
بێگومان جە ۋەرا ۋەرو هەر هرووژمێوەنە کە ڕووە بڎا مافێوە ڕەواو هێزەکامانە کە وەرگیری جە ۋێشا بکەرا و جە چوارچێوەو مافو پارېزنای ۋێشانە و جواب بڎاوە. هەرپاسە هێزەکېما جە ۋەرا ۋەرو هرووژمە سەرەمڕەکانە مافو ۋێشانە کە جواب بڎاوە.
بە تایبەت ئی قەرارە پەی هێزەکاما جە تورکیا و سەرنیشتوو کوردەسانی، پەی گرڎو تیمە فیداییە تایبەتەکا و گرڎو یەکینە ۋێڕاوەبەریەکا، یەکینەکاو پارېزنای جەوهەری ماک، یەپەسە و هتد گێرۊوە و مشۊم گرڎ فەرمانەکۍ جابەجێ بکەرا، گرڎو پێکئامایەکا کە خاوەن خەسڵەتو تەڤگەرو ۋێڕاوەبەرینۍ، مشۊم بەپاو ئی قەراریە سەرو بنەماو ۋێپارێزنای سەرجەنۆ ۋێشا یاگەگیر بکەرا، چی پرۆسە گرنگەنە مشۊم گرڎ هێزێوە ئێمە بە هۆشیارییوە هەڵسوکەوت بکەرا و جە هەر هەلومەرجێوەنە بۆ ئەرکو ۋێپارێزنایشا بەهێز ڕاگێرا.
چی پرۆسە تاریخیەنە پەی ئانەی جە هێڵۊو ڕابەر ئاپۆینە هەڵوێس و ئەوەکۊشایۍ تەمام ڕاوەبەر بکەرا، مشۊم گرڎو هێزەکاو هەپەگەی و یەکینە پەیوەندیدارەکاش هەستیارۍ با و ۋەرپەرسانە هەڵسوکەوت بکەرا، ۋەراوەر بە ئاژە تێکدەرانەکا کە مکریۆ ڕووەبڎا مشۊم وریۍ با و ۋەرا ۋەر پی ئاژا هوشیارۍ و ئاگاڎارۍ با.
ئێمە باوەڕیما هەن کە گرڎو هەڤاڵاما ۋەرپەرسانە ئی قەراریە جابەجێ مکەرا.
سەرو ئی بنەمایۍ سڵام ۋنەو گرڎو فەرماندە و جەنگەوانەکاما مکەرمۍ، هیواو سەرکۊتەیشا پەی موازمۍ."
