پاکێجو ١٠ـەمین دادوەریی جە ئەنجوومەنو گرڏی پەرلەمانو تورکیای قەبوڵ کریا، پێشنیارو پاکێجو دادوەریی کە جە ٣٠ خاڵا پێکمێ، دماو ڕەخنەکا دەم پارتی و لایەنە سیاسییە ئۆپۆزسیۆنەکا تەرێ بە بەر ئاردە و هەشت خاڵا پاکێجەکەی جە پەرلەمانو تورکیا ینە پەسینیا.
بەپاو هەموواکەردەیۆ تازەی، سزاو زینانی کەردەی کەمترین و فرەتەرین ماوە پەی ئا کەسا نریارە کە تاوانەشا کەردێنە، بە ئەنقەس ئینسانشا زامڏار کەردەن، پەی نموونەی، کەمترین سزا پەی تاوانە و زامڏار کەردەی جد چوار مانگێ کریا بە شش مانگێ، پەی زامڏارکەردەی سەختی کەمترین سزا جە یەرێ ساڵێوە کریا بە چوار ساڵی.
کەمترین سزا پەی سایەقی چێرو کاریگەریی مادە کحولییەکانە و هۆشبەرییەکا جە یەرێ مانگێوە زیاڏ کریا پەی شش مانگێ.
ماوەو جابەجێ کەردە و سزاو شەوێ و دمای هەفتە زیاڏ کریا، ماوەو جابەجێ کەردە و سزاو یانەی سەر و ژەنا، بەتەمەنێ، زاڕۆڵێ وەرفراوان کریاوە، ئا کەسێ کە تەمەنشا ئینا سەر و ٨٠ ساڵیۆ و حوکما سەرەرە سەپنێنێ، تاوانە تا ماوەو شش ساڵا سزاکێشا یانەنە تەمام بکەرا.
مەرجو جابەجێ کەردەی پەی حکومدریایا ئانێ نەوەشی سەختشا هەن
ئا حکومدریێ کە نەوەشی قورسشا هەن یان خاوەن پەنەوازیی تایبەتێنێ، ئەر سەلەمناش کە مەتاوانە جە زینانەنە بژیوا ئانە متاوانر ماوەو حوکمەکەیشا یانەنە تەمام بکەرا بەڵام ئی حوکمە دەربازدار نییا پەی ئا کەسا کە حوکمی سزاو هەتاهەتایشا سەرەرە سەپیان.
بە ڕەخنەکا لایەنەکا ئۆپۆزسیۆنی جە هەمووارکەردەوەکەینە سانسۆر سەر و ئینتەرنێتی، باڵبەسکەردە و زاڕۆڵا، خاڵەکێ سەر و سەرپێچی هاتوچۆی لابریێ.
