دەسەو هامکاریی هامبەشوو هێزە چەپ، دیموکراتیک و ئازادیوازەکا پەی پاڵپەشتی جە شۊڕشوو "ژەنی، ژیوای، ئازاڎی" / ئاڵمانیا-کۊڵننە جە ٢٨ی ئیی مانگێنە ڕاپیمایی و کۊبییەیۊ پەی پاڵپەشتی جە سەروردایەکاو ئێرانی و وەرکەوتوو کوردستانی کریۊ.
جە بانگەوازەکەنە ئاماژە پانەی کریان، کە بە مەبەسوو پەشتیوانی جە شۊڕشوو "ژەنی، ژیوای، ئازاڎی" جە چوەروو ئێرانینە، بەرخودانوو کورڎستانی و بەلوچستانی و بەرزکەرڎەیۊ دەنگوو گرڎوو ئازاڎیوازا پێسە "هامکاریی هامبەشوو هێزە چەپ، دیموکراتیک و ئازاڎیوازەکا پەی پاڵپەشتی جە شۊڕشوو "ژەنی، ژیوای، ئازاڎی/ئاڵمانیا-کۊڵن" بە وەڵێوەبییەی ژەنا و هێزە یەکسانیواز و دیموکراتیکەکاو کورڎستانوو ئێرانی و لایەنە دیموکراتیکەکاو ئەورووپای، بەتایبەتی وڵاتوو ئەڵمانیای جە ٢٨ مانگەو کانوونوو دووەمینە جە کۊڵن چالاکیێوە کریۊ.
چالاکییەکە ڕاپیمایی وکۊبییەیۊ بۊ و سەعات ١٣:٠٠ پەی ١٧:٠٠ و ڕۊو ٢٨ کانوونوو دووەموو ٢٠٢٣ جە مەیدانوو نیئومارکێتوو شاروو کۊڵنیوە دەس پەنە کەرۊ.
رێکوزاو چالاکییەکەی خوڵکەو گرڎوو لایەنە ئازاڎیوازەکاشا کەردەن، کە بە ڕەنگ و هێماو وێشاوە چا ڕاپیماینە بەشڎارێ با، وەروو ئانەی بۊ بە چالاکیێوە کاریگەر، پەی پەشتیوانی جە شۊڕشوو "ژەنی، ژیوای، ئازاڎی" جە کوردستاننە و ئێراننە.
