کلۆتزە جە ئەڵمانیاو ۋەرنیشتی، چنی هامژینەکەیش ڕودی دوچکە، ساڵۊو ١٩٦٨ سەرمەشقایەتی جمېیەرو خۊنکارە جوانەکاشا کەرڎ، ئەندامەو یۊبیەی خۊنکارا سۆسیالیست (SDS)ی و ئۆپۆزیسیۆنی ۋەرفراوانو جبەرو پەرلەمانی بۍ. پەیامەکەو کلۆتزۍ پی جۆرەنە:

"پرۆسەو گفتوگۆو بەینو ڕابەرو گەلو کوردی عەبدوڵا ئۆجالانی و کۆمارو تورکیای بە گرنگ موینو، سڵام جە ئیرادەو ئاڎیی مکەرو پەی پېوەرەژیۋای گەلو کوردی و گلېرگەی دیموکراتیکی. پەنەوازا گرڎو کۊسپەکا ۋەردەمو بەشداری گەلو کوردی جە سیاسەتو دیموکراتیکینە، هۊرگیریا؛ یۊبیەیۍ حەقەتینە و ئاشتییانە جە ما بەینو گەلانە بنیاڎ بنریۆ. ئەوەکۊشای ئۆجالانی پەی ئیکۆلۆژیای و یەکسانی ڕەگەزیی، پەی گرڎ لایۍ ئیلهامبەخشا.

هیواڎارەنا کۊششەکۍ ئۆجالانی بەزایە نەلا. مشۊم جە حیچ هەلومەرجێوەنە ئی دەرفەتە جە کیس نەڎریۆ. پۊکەی ئینە فرە عالا، چونکی متاوۆ بۆ بە مایۍ دیموکراتیکبیەو تورکیای، جە سوریایچەنە متاوۆ هەمان چێو بکەرۆ. هیواو ئێمە پەی ئا وڵاتا پی جۆرەنە. ئینە دەرفەتێوەن پەی دیموکراتیکبیەو ئا وڵاتا".