جە جەنگوو بییەی و ئازاڎینە، کە ماوەو ٩ مانگان جە هەرێمەکاو پارێزنای میدیاێنە وەردەواما، یۊ چا مەیڎاناو جەنگی، کە جە دووە مانگی ویەرڎەنە، فرەتەرین جار نامێش ئامێنە، تونێلەکاو جەنگوو گەشمەرڎە بۊتانینۍ. سپاو تورکی بەتایبەت جە چنڎ مانگی ویەرڎەنە، هجوومەکێش پەی سەروو ئی سەنگەروو وێڕاگێرییە زیاڎتەرێ کەرڎێنێ. جە مانگەو کانوونوو دووەمینە جە یەک ڕۊنە ١٥٠ جارۍ بە چەکی کیمیاوی ههجوومش کەرڎەن سەروو ئی سەنگەری و جە وەراوەروو بەرخۊدانوو گەریلاینە دەیری بییەن. هامکات چەنی ئی هجووما کۊمەڵۍ گەریلۍ، کە وەرگێرییشا جە سەنگەرەکاو وێشا کەرێنۍ، سپاو تورکیایشا وستێنە دۊخێ خراپۊ، کە وەڵتەرنە و تاریخوو جەنگینە ڕووەش نەڎێنە. خاسا تونێلەکاو جەنگوو گەشمەرڎە بۊتانی چکۊنێ؟ ئا قارەمانێ کێنۍ کە ئی سیندرۊمەشا پەی سپای تورکی وەش کەردەن؟ گەریلێکێ ئی مەنتێقەیە چەنی وەرەنگاروو گرڎ جۊرە هێرشێ سپاو تورکی باوە، کە ٩ مانگێن بە پەشتگێریی ناتۊی وەردەواما؟

وەڎیئاوەرا بەرخۊدانی جە تەپوو زاپی و ئاڤاشینینە.

ئا جەنگە جە ١٤نیسانوو ٢٠٢٢ جە هەرێمەکاو زاپی و ئاڤاشینی و مەتینای دەسش پەنە کەرد، بە چالاکیی کاریگەروو تیمە چالاکەکاو گەریلای و بەرخۊدانی جە سەنگەرەکاو جەنگینە، فاڕیا پەی هەنگامەو بەرخۊدانی و سەرکەوتەی. جە جەنگوو شۊڕشگێڵنانەو بازەکاو زاگرۊسینە، قارەمانێشا وەش کەرڎێ. جە مانگەکاو ئەوەڵوو جەنگەکەینە کە جەنگەکە بە شێوێوە سەرەکی جە زاپ و ئاڤاشیننە ڕووەش دا، جە مانگەو تەموزینە یاوا مەنتێقەو چەمچۊی. تەپە ستراتیجییەکێ گەشمەرڎە عادل، کالە چەمچۊ، گەشمەرڎە فیداکار جە چەمچۊ و سیدا، جە ئەوەڵوو جەنگیوە دەورێ گەورەشا بێ، بەتایبەتی پەی هەماهەنگیی جەنگی جە تەپەکاو گەشمەردە شاهینینە، وەرخەلێ و کارکەر و ئەنجامدای چالاکییەکا. گەریلێکێ تەپەکاو چەمچۊی و سیدای بە چەکی قورس ڕەفێقەکیشا تەپەکاو زاپی و ئاڤاشینینە بە تەنیا جیا ناستی. جگە چانەیچ پەی ماوەو ٢٤ سەعاتا یەک دەیەقە نەوتێ  و بە توانایێ تەکنیکیی سنوورڎارۊ، چەمڎاریی جموجووڵەکاو هێزەکاو دژمنی کەرێنێ، ڕەفێقەکاشا چا بارۊ هاگاڎارێ کەرێنێوە، ناستشا دژمن یاوۊ بەرەو تنێلەکاو جەنگی. یۊ جە خوڵقناو بەرخۊدانی درێژخواینی  تەپەکاو زاپی و ئاڤاشینی، تەپەکاو چەمچۊ و سیدای بێنێ. سپای تورکی جە مانگەو تەموزینە ئۊپەراسیۊنێوە سەروازییش پەی سەروو ئا یاگا دەس پەنە کەرد بە مەبەسوو ڕاگێریکەرڎەی جە جەنگوو گەریلایەکا جە تەپەکاو چەمچۊی و سیدای. گەریلێکێ تونێلەکاوجەنگی جە کالە چەمچۊ، گەشمەرڎە فیداکار، گەشمەرڎە عادل و گەشمەرڎە بۊتاننە چندین مانگێ بەرخۊدانشا کەرد.

زاگرۊس بی  بە سەنگەرێوە گرنگوو گەریلای.

جە مانگەو تەمووزوو ساڵەو ٢٠٢٢ سپاو تورکی، بە تەکنیک و هێزی سەربازییوە، هجوومش کەرد سەروو تونێلەو جەنگوو گەشمەرڎە بۊتانی جە تەپوو گەشمەرڎە عادلی جە چەمچۊ. حەرچنڎە هەلیکۊپتەرەکاو سکۊرسکی پەی ماوەو چنڎ ڕوێ هەوڵێشا دێ هێزەکاشا سەروو تەپەکاوە وەزنارە، وەلێ دەسوستەینەکەی جە تەپوو کالە چەمچۊیۊ ئەنجام دریا، بۊنەو دایوەنەی بەقووەتوو گەریلاکاوە سەروو ئی تەپیوە، هەلیکۊپتەرەکاو سکۊرسکی گرڎ جارێ مەڕیێنێ. سپاو تورکی یاوانە کە مەتاوۊ هەلیکۊپتەر بەکار بارۊ، جە مانگەو تەمموزینە هەوڵێش دێ، جە زەمینۊ یاوۊ تەپەکەی. مانگەو تەموزینە، جەنگێ قورس بەینوو گەریلایەکاو داگیرکەرانە جە تونێلەکاو جەنگینە جە گەشمەردە بۊتاننە ڕووەش دا. چێنە دەیان داگیرکەرێ سزا دریێ و دماو دووێ ڕاجە جەنگی، داگیرکەرۍ ناچارێ بیێ جە خەتەکاو وەڵی جەنگینە پڕتافیا و گێڵاوە دماوە پەی پاینوو تەپوو گەشمەرڎە عادلی و چاگە یاگێ گێرا. گەریلێکێ جە مەیڎانەکانە بە چەکی قورس و بە شێوەو تیمی، جە داگیرکەراشا دا و ناستشا داگیرکەرێ مەیدانەکەنە یاگێ گێرا بە وێشا.

تونێلەکاو جەنگی جە گەشمەرڎە بۊتاننە جە تەپوو گەشمەرڎە عادلی، یاگێوە فرە گرنگە بێ پەی تەمامکەردەی سیاسەتە داگیرکارییەکاو سپاو تورکی جە هەرێموو زاگرۊسی. وەروو ئانەی ئینا سەروو سنووروو سیدای و چەمچۊی و ساجایەینە، حەر پاسە زاڵا ملوو تەپە ستراتیجییەکاو زاپی و ئاڤاشینیرە، هەمان وەختنە سەرکەوتەی گەریلای چی مەنتێقەنە فرە گرنگا. پەوکای سەرەڕاو ئانەی فەرماندەکێشا و دەیان سەروازێشا کوشیێ، سپاو تورکی جە مانگەو ئابینە هێزەکێش پەی ئا تونێلا گێڵنێوە. جە مانگەو ئابیوە بەرخۊدان چی تونێلانە، جە گەشمەرڎە بۊتاننە گەرما. ئەم وێگێرتەیە بییەن بە یۊ جە بەرخۊدانەکا و شایستەتەرین بەرخۊدانا جە تاریخوو جەنگوو گەریلاینە.

ڕووێ بە ڕەفێقەکاشا نەوات، ئینایمێ دۊخێوە سەختنە' و 'دەسشا جە سەنگەرەکاشا ور نەگێرت'.

کۊمەڵێ گەریلێ جە تونێلەکانو جەنگینە کە جە گەشمەرڎە بۊتانننە بەرخۊدانشا کەرد، حەر جە ئەوەڵوو ڕۊیۊ، خوڵقنەرێ داستانوو بەرخۊدانی بێنێ، کە چێروو بارودۊخێ سەختینە خولقناشا. ئی بەرخۊدانە کە چێروو هجووموو کیمیاوینە کریا، تیشکی وزۊ سەروو ئیراڎەو گەریلای ئاپۊیی و تونێلەکاو جەنگوو گەشمەرڎە بۊتانیشا کەرڎێ بە قەڵێوە، کە حەرگیز شکس نارۊ.

گەریلا کە گرڎ ڕووێ، حەر سەعاتێ پەی ماوەو چوار مانگا کە دژشانە کیمیاوی بەکار ئێ، ڕووێ بە ڕەفێقەکاشا نەوات، ئینایمێ دۊخێوە سەختنە' یان ' دەسما جە سەنگەرەکاما ور گێرت'.. دەرفەتی کەمشا بێ، بەڵام وەرگێرییشا جە سەنگەرەکاشا کەرد و گورزی گەورەشا دا وەنەو سپاو داگیرکەرەو تورکی.

بەرخۊدان دماییش نمۍ.

داستانوو بەرخۊدانی جە تونێلەکاو جەنگوو گەشمەرڎە بۊتانینە ٩ مانگێن نەمرڎان. چێروو هجووموو کیمیاوی و تەقەمەنیی قەڎەغەینە، گەریلا بە ئیراڎێوە نائاسایی فەلسەفەو ئاپۊیۊ ٩ مانگێ بەرخۊدان کەرۊ و سەروازێ و چەتێ سپاو تورکی تارومار کەرۊ.