مېیانو ئەرەیاۋنای هێزەکاو سووریای دیموکراتیک- قەسەدەی ئامارەو ٢٤ سەعاتا چالاکی مڎرامانوو جەنگەوانا و هرووژمە ئەرەگیریەکا دۊڵەتو تورکی و چەتەکاش ئاشکرا کەرڎ.

جە ئەرەیاۋناکەو قەسەدەینە ئی زانیاریۍ وزیێنۍ ڕووە:

چەتەکۍ دۊڵەتو ئەرەگرو تورکی هېزی (یەکشەممە) بەهامکاری فڕۆکەی جەنگی و فڕۆکەی بێفڕۆکەوانو دۆڵەتو ئەرەگیرو تورکی، جە دەوروبەرو بەنداوو تشرینینە هرووژمېوەشا ئەنجامدا، هەوڵشا دا هرووژم بکەرا سەرو نوقتێوە جەنگەواناما، جەنگەوانەکێما ۋنەشا ئامێوە دەسۍ و ژمارێوە چەتۍ کوشیۍ و بڕێچشا زامڎارۍ بیۍ.

جە قۊڵو دێرحافریچنە، چەتەکۍ بە هامکاری فڕۆکە بێفڕۆکەوانەکا دۊڵەتو تورکی هرووژمشا کەرڎ سەرو نوقتێوە جەنگەواناما، جەنگەوانەکېما جوابو هرووژمەکەیشا داوە و جەنگێوە سەخت ڕووەشدا جە ئاکامەنە جەنگەوانەکېما نوقتێوە سەروازیی چەتەکا و ماتۆڕسکیلێوەشا دلێنەبەردۍ.

فڕۆکە جەنگییەکۍ دۊڵەتو ئەرەگیرو تورکی دەگایەکۍ تینای و مەلهایشا جە دەوروبەرو سردەو قەرەقۆزاقی بۊمبوارا نۍکەرڎۍ، جە ئاکامەنە زەرەری مادیش چنەکۊتۆ، جە هەمان کاتەنە دەگایەکۍ تینا، جادە، بیرۆ هسۆ، خەسەق، دیکان، مەلها و سنا، تەپو سێڤێ و قەرەقۆزاقی بە زیاتەر جە ٨٠ گولـە تۆپا، تانک، موشەکۍ و هاوەنۍ تۆپبۋارانۍ کریۍ و جە ئاکامەنە زەرەرۍ فرە بە یانەو مەنزڵو هاموڵاتیا یاوا.

هەرپاسە چەتەکۍ بە هامکاری فڕۆکەی هەوڵشا دا هرووژم بکەرا سەرو نوقتێوە هێزەکاما، جەنگەوانەکېما جوابشا داوە و جەنگ ڕووەشدا، جە ئاکامەنە هرووژمەکە مەڕیا و ژمارێوە چەتۍ کوشیۍ و زامڎارۍ بیۍ.

بە درێژایی ڕۆی فڕۆکەی جەنگیی و فڕۆکەی بێ فڕۆکەوان، سەرو کۆبانێ، عەین عیسای و دەگایەکاشارە خولیێوە.