هامسەرۆک فراکسیۆنەو دەم پارتی گوڵستان کلچ کۆچیگیتە جە پەڕلەمانەنە کۆنگرێوە ڕۆنامەوانیش بینا و پېوەس بە چەمپنەکۊتەی یەرەمی چنی ڕابەر ئاپۆی زانیاریش وست ڕووە.

گوڵستان کلچ کۆچیگیتە واتش: "چی چن ڕووەنە شاندما ملۆ ئیمراڵی. پېوەس پی سەرۋنەدایە ئارۆ یا سەوای داواکاری پێشکەش مکریۆ. ئامادەکاری مکریۆ. جە سەرونەدای ئیمراڵیینە بە تایبەت زانیاری سەرو سەرۋنەدایەکا پانیشتوو کوردەسانی و ئا گفتوگۆیۍ کریێنۍ بە ئېژا ئۆجالانی ئەرەیاۋېیا. دماو چەمپنەکۊتەکەی کاتو ئەرەیاۋنای بانگەوازییە تاریخیەکەو ئێژا ئۆجالانی دیاری مکریۆ، کە جە چارەسەری پرسو کوردینە مەبۆ بە قۆناغەو سەردەمێوە تازەی. خاتر جەمێنمۍ کە بانگەوازییەکە تاریخی بۊنە. ئا کردەوۍ و ڕاگیریۍ گورزە چی زەمینەو هامپەیمانی و هامبەشیەو تورکی و کوردی مڎا و ئاستەنگیش پەی وەش مکەرا، مشۊم جە لایەنی سیاسی و گلېرگەیۆ شەرمەزارۍ بکریا."

بانگەوازی جە پەڕلەمانۆ

گوڵستان کلچ کۆچیگیتە جەختش کەرڎۆ دماو ئانەی بانگەوازییە تاریخیەکە مڎریۆ، ۋەرپرسیاری گنۊنە ملو پەڕلەمانی و واتش: "دماو ئانەی ئی بانگەوازییە تاریخیە مڎریۆ، داوا جە پەڕلەمانی مکەرمۍ بە ۋەرپرسیاری ۋێش هۊربێزۆ، گنۆ چېرو بارو ۋەرپرسیاری ۋێش و فاڕای و هەمووارو یاسای پەی جابەجێکەردەی پەنەوازیەکا بانگەوازییەکەی بکەرۆ و دەمودەس هەنگامە بگێرۆنە ۋەر."