بە سەرمەشقایەتی ئیدارەو ۋێڕاوەبەری شەنگالی، جە باخچەو سەرۆکایەتینە جە دۆڵەو کەرسی نەورۆز پیرۆزکریا.

دماو دەیەقێوە ڕێزگېرتەی جە گەشمەرڎا ئازادی و گەشمەرڎا ئێزیدخانی، دماتەر شانۆگەریێوە سەرو ستەمو زووحاکی نمایشکریا و ئەڎایا گەشمەرڎا ئێرو نەورۆزیشا کەردۆ.

سەرەتا پەیامو ڕابەر ئاپۆی پەی نەورۆزی ۋنیاوە و گۊش جە هۊرسەنگنایەکاش دەربارەو نەورۆزی گیریا.

دماو پەیامەکەو ڕابەر ئاپۆی، هامسەرۆکو مەخەدەشەی، جیهان جەلۆ نەورۆزش جە ڕابەر ئاپۆی و گەشمەرڎا و گەریلای و جەنگەوانا و تەمامو گەلوو کوردی و گلېرگەو ئێزدی پیرۆز کەرڎ.

جیهان جەلۆ ئەرەیاۋناش سەرەڕاو گرڎو قڕکەردەیەکا، سەرو کەشو شەنگالیۆ ئێرو نەورۆزی بە پەیامو ڕابەر ئاپۆی گەش مکەرا و جوابو قڕکەردەیەکا مڎاوە، تەئکیدش کەردۆ پېسە گلېرگەو ئێزدی و عەرەبی پاڵپەشتی جە پەیامەکاو ڕابەر ئاپۆی مکەرا، واتش: "ئێمە گلېرگێوە ئاشتیوازێنمۍ، پۊکەی مشۊم ئێمە جە گرڎ کەسی زیاتەر خاوەنداری چی پەیاماو ڕابەر ئاپۆی بکەرمۍ و ئی پرۆسەیە بیاونمۍ بە ئازادی بەڎەنیی ڕابەر ئاپۆی".

مەراسیمەکە بە گۆرانیۍ و چالاکی هونەری بەردەوام بۍ، جەماوەریچ بە هۊرپڕای مەراسیمەکەشا بە جۊشتەر کەرڎ.

هەرپاسە قەرارا، ئێشەو جوانا شەنگالی ڕاپیمای بە شۊڵەچراویۆ ئەنجام بڎا.