دەوڵەتوو تورکی ئەرەگیری ٦و ئەیلوولینە هجوومێوەش بە إرۆکەی بێفڕۆکەوانی هجوومبەر کەرد و ئەنجامنە فەرماندەو هێزەکاو ئاسایشوو دلێ فەرماندە دژوار گەشمەردە بی. پەی بەرزئرمانای یادوو گەشمەردە دژواری شاروو شتۆتگارتوو ئەڵمانیاینە چالاکیێوی یادکەردەیوە کریا.  

چالاکیی یادکەردەیوەکەی ناوەندوو گلێرگەی دیموکراتیکوو کوردی شتۆتگارتەنە بە بەشداریی بنەیانەی و دۆسەکاو گەشمەردەی لوا ڕاوە.

دماو دەیەقێوە مدرای پەی گیانی پاکوو گەشمەرداو کۆشیای ئازادیی کوردسانی، چالاکییەکەنە واڵێ گەشمەردە دژواری، نەسرین دینچە قسێش کەردێ و واتش:" گەشمەردە دژوار برا و هامڕام بێ، گەشمەردەو گرد گەلێوە ئازادیوازی بێ، سەرەو سەرۆک ئاپۆی و هامڕایاو ڕاو گەشمەردە دژواری سڵامەت بۆ".

دماتەر چالاکییەکەنە نوێنەروو کۆمەڵەو بنەیانەو گەشمەردا قسێش کەردێ و بە نامێ بنەیانەو گەشمەرداوە سەرەوەشییش وەنەو گردوو گەلوو کوردی کەرد.

چالاکییەکە بە دروشموو "گەشمەردێ نمەمرا" و "بژیوۆ سەرۆک ئاپۆ"ی دماییش ئاما.