سۆیدان ئاکای ئاماژەش پانەی دا چی پرۆسە تازەنە پەنەوازا جواب و پەرسە و نیگەرانییەکا گەلی دریۆوە و جەختش چانەی کەردۆ پەنەوازا مانیفێستۆو ڕابەر ئاپۆی یاونمێ بە گەلی.
سۆیدان ئاکای ئاماژەش پانەی دا چی پرۆسە تازەنە پەنەوازا جواب و پەرسە و نیگەرانییەکا گەلی دریۆوە و جەختش چانەی کەردۆ پەنەوازا مانیفێستۆو ڕابەر ئاپۆی یاونمێ بە گەلی.
سۆیدان ئاکای کە دما و ٣٢ ساڵا جە زینانەنە ئازاد بی و بە ئیسەیشۆ جە ئەوەکۆشای بەردەواما، ئاماژەش پانەی دا بە دڵنیاییۆ پەنەوازا مانیفێستۆو ڕابەر ئاپۆی جەلایەن گەلیۆ شرۆڤە کریۆ و دەقە پەیامەکێش یاوانە بە گەلی.
ئاکای نیگەرانی وێش نەشاردۆ چانەی هەڵای بە تەمامەتی فیکرەکێ ڕابەر ئاپۆی نەیاوێنێ گەلی و واتش، جە گرڏ و خەباتەکانە زوانێوە ڕێکوزتەی وەرتەسک گیریۆنە وەر و پەنەوازا ئی زوانە وەرفراون کریۆ،
ئاکای واتش: "بنەڕەتیترین بابەت کە گەل گوزارشتش چنە مکەرۆ 'بێباوەڕییانە' جە ئاست پێشئامایەکا. ئاشکران گلێرۆبییەکێ دەم پارتی چنی گەلی سنوودارێنێ. پۆکەی ماچوشۆ پێسە و پەنەوازی بە ئیسەیشۆ مانیفێستۆکێ ڕابەر ئاپۆی چنی گەلی هامبەشێ مەکریا و پەرە بە گفتوگۆی مەدریۆ پەیوەس با بابەتەیە."
ئاکای باسش چانەی کەرد پرۆسەکە جەلایەن و ڕابەر ئاپۆیۆ ئەرەیاویان، گلێرۆبییەکێ جەلایەن و دەم پارتییۆ بریاڕاوە، پرۆسەکە سەر و ئەرەنیشتەکا بەردەوامیشا هەن.
ئاکای ئەرەیاوناش، پەنەوازا سیاسەتو دیموکراتیکی بۆنە شێوازێ تازە و ئەوەکۆشای ستراتیژی و ئینەش وات: "ڕابەر ئاپۆ چن مانگێن گلێرگەی پەی سەردەمی تازەو ستراتیژی ئامادە مکەرۆ. پەنەوازا گرڏما سەر و ئانەی مدرمێ کە چنین بە سیاسەتو دیموکراتیکی تاومێ گلێرگە و وەرکەوتوو مییامینی هورسنمی. پەنەوازا شرۆڤەو ئانەی بکەرمێ بە چ جۆرێ تاومێ کۆموون پێکبارمێ."
سۆیدان ئاکای دەستنیشانش کەرد مشۆم بە سیاسەتو دیموکراتیکی گلێرگەی دیمورکراتیک بنیات بنییەیمه و ئینەش وات: "تاومێ بە ئازادی بژیومێ و سەر و بنەماو یاسایی چنی دۆڵەتی ئیسەی سەرجەنۆ پەیوەندییما وەش بکەرمێ. پێسە و کۆمەڵناس، سیاسی، ئابووریناس و کلتوورناس تاومێ هەرمانە سەر و ئینەی بکەرمێ و یاومێ بە سەرکۆتەی. پەنەوازیش بە کات و ئەوەکۆشای هەن."
