فیلموو "کۆبانۍ" حەکاېەتەو مڎرامانوو تاریخوو کورڎان، حەکاېەتەو فەرمانڎە "نارین و میرکان و ئەبو لەیلا و موسا"ی و سەڎان جەنگوانە گەشمەرڎا تەرین. فیلمەکە حەکاېەتەو مانفێستکەرڎەو ژەنۍ ئازاڎێن. جە لاو "ئوزلەم ېاشار"یۆ بەرئامان و " کۆمین"وو فیلموو وەرنیشتوو کورڎسانې وەش کەرڎەن.

" کۆبانۍ" حەکاېەتەو مڎرامانوو (١٣٤) ڕوا شاروو کۊبانێن جە ۋەرنیشتوو کورڎسانینە، جە وەرانوەروو چەتەکاو داعشینە، فیلمێوە سینەمایین قۊناغوو وێنەگێرتەیش نزیک بە ساڵێش خواینان. (٢٠٠) کەسۍ جە جەنگوانا و وڵاتپارێزا و ئینتەرناسیۊلیستا ھەرمانەشا چەنە کەرڎەن. گرڎوو فیلمەکەی جە شاروو کۊبانێنە وێنە گیریان.

فیلمو "کۆبانۍ" جە مانگەو ئەیلوولوو ساڵەو ٢٠٢٢ ېووەم کەڕەت جە شاروو کۆبانێنە نمایش کرېا و قەرارا ڕۊو پەنجشەمەی (٥) کانوونوو دووەمی سەعات (٧) وێرەگای جە سینەما سالمنە، جە شاروو سلێمانی، نمایش کرېۊ.

ھ.ئ