ئەرەېاۋناکەو تەڤ- چاندوو ئۊرووپای پی جۊرە زانیارییش دان:

پێسە مزانیۆ ھیزی نیمەڕۊ ھجوومێۋە دڕنڎانە جە لاېەنوو ترکیەی فاشیستیۋە، کرېان سەروو دلێنەۋ کولتووری کوردی "ئەحمەڎ کاېا"ی و جە ھجوومەکەنە ھەر ېۊ جە ھەڤاڵاما ئەڤین گۊیی (ئەمینە کارا)، ھونەرمەنڎ میرپەرۋە و مامۊ عەبدالڕەحمان قزل شەھیڎۍ بیۍ .

سەرەتا بە ڕێز و ۋەشەویسیۋە ئا ھەڤاڵاما ۋیر مارمێۋە، کە جە ھجوومەکەو دۊڵەتوو ترکیەینە، کە جە پاېتەختوو وڵاتوو فەڕەنساېنە شەھیڎۍ بیۍ بەڵێنوو وێما پەی تۊڵەئەسایۆ دووەپات مکەرمێۋە .

چا ېەرە ھەڤاڵاما کە شەھیڎۍ بیۍ، ېۊشا ھونەرمەنڎ و جمیەروو کولتوور و ھونەر و کورڎسانی ھۆزان میرپەرۋەر بۍ . میر پەرۋەر چنڎین ساڵۍ جە سەرنیشتوو کورڎسانیەنە ھونەری شۊڕشگێڵیی وێش بە دەنگ و ئاوازوو تەمبوورەکەیش پێشکەش کەرڎەن . وەروو ئانەیە جە لاېەنوو دەڵەتوو ترکیەی ئەرەگیریۋە (٥) ساڵۍ زینڎانی کرېا و دماو ئازاڎبییەیش پۍ درێژەدای بە ھونەرەکەیش ڕووەش کەرڎە ئۊرووپای، جە ٢ ساڵی وېەردەنە جە پاریسوو پاېتەختوو فەرەنساینە جمیەروو چاندوو ھونەریی کورڎسانی ڕاۋەبەری مکەرۍ.

میرپەرۋەر پێسە ھونەرمەنڎێوە شۊڕشگێڵی ڕاو شەھیڎ ھۊگری و شەھیڎ مزگینی و شەھیڎ ھۊزان سەرحەڎی- ش پۍ ۋێش بە بنەما گێرت و کەرڎش بە ڕاو ژېوایش . جە ژېوای ۋێشەنە کەسێۋە دەم بە خوۋە و دڵگەرم بۍ و جە ھونەرەکەیچشەنە کەسێوە ڕێکوزیاو جەنگاۋەر بۍ . وێش و ھونەرەکەیچش گرڎ وەختۍ دڵوو گەلەکەېمانە مژیوۊنە، ئێمە پێسە ھونەرمەنڎا بەڵێن مڎەیمۍ و نمازمۍ  ونەو شەھیڎەکاما بە ھەڎەر بلۊنە، ھونەری شۊڕشگێڵی سەرەمڕ تۊڵەشا مکەرمێۋە.

ھ.ئ