وارڎەی ساوۍ گەڎۍ جە سۊتەېۊ پارێزنۊ
وارڎەی میوەی سووڎ و گرنگی بە جەسەی میاونۊ، دلێچشانە ساوی گەڎۍ جە سۊتەېۊ پارێزنۊ.
ساوی ېووەنە جە خاستەرین مێوەکا، تاموبۋۍ وەشش ھەن و میوێۋە ناسکەنە، پەنەوازش بە کەشوھەوێۋە نیمەچیای ھەن پۍ ئانەی بیاوۊ، ئیسفاڎۍ فرێش ھەنێ پۍ لاشەی، دۊڵەمڎەنە بە ڤیتامینی و کانزایەکا، جەسەی پارێزنۊ جە نەوەشییە ڤایرۊسییەکا، پۊکەی پەنەوازەن گرڎ ڕووۍ بوریۊ.
ساوی (٢٥) نۊعێش ھەنۍ بەفرەېې نۊعیەتشا سوور و زەرد و سەوزا، نامڎارتەرین نۊعش " گوڵاویی مەشھەد، گوڵاویی شیمیران ، گوڵاویی ئەسفەھان ، ساوی قەندەک، ساوی زنووزی مەرەندە ".
*ئیسفاڎەکاو وارڎەی ساۋۍ:
وارڎەێ ساوۍ چڼڎین ئیسفاڎێش پۍ لاشەی ھەنۍ پێسە '' سیستموو وەرگێری لاشەی بەقووەت کەرۊ و ڕاگێری کەرۊ جە تووشبیەی بە نەوەشییە ڤایرۊسییەکا، ھەرمانە و ھەرسی چالاک کەرۊ و گەڎۍ پارێزنۊ جە ھەوکەرڎەی و زامڎاری و سۊتەېۊ.
مەژگی جە "زەھایمەری" و نەوەشییەکا تەر و مەژگ-ی پارێزنۊ، چەمۍ پارێزنۊ و ڕاگێری جە وشکبییەېۊ و مانیایی چەما کەرۊ، ئیسفاڎە بە دڵی میاونۊ و ڕاگێری جە جەڵدەو دڵی کەرۊ، ئەگەروو تووشبیەی بە نەوەشیی "قەند"شەکرەی کەم مکەرۊۋە، ئەگەروو تووشبییەی بە نەوەشییە شێرپەنجەییەکا کەم کەرۊوە .
ھ.ئ
