جە شاروو ستراسبۊرگوو وڵاتوو فەڕەنساینە، کە ئەرەمەرزېێ ئۊرووپییەکێش چەنەنۍ، چالاکیې ئێشکگێریی ئازاڎی پۍ ڕابەر " عەبدوڵڵا ئۆجالان"ی ئینا حەفتەو (٥٤٩) مینیشەنە، چالاکیی ئې حەفتەیچە جە لاېەنوو چالاکا "جمیەروو جوانە شۊڕشگێڵ"ەکاوە ملۊ ڕاۋە.
ئێشکگێریی ئازاڎی جە ڕۊدېاروو (٢٥ ) مانگەو حوزەیرانوو (٢٠١٢)، بە وەرھەنگامەو ئازاڎیی عەبدوڵڵا ئۊجەلانی پەی ئازاڎیی جەسەڎیی ڕابەر ئاپۊی جە شاروو ستراسبۊرگوو وڵاتوو فەڕەنساینە دەسش پڼە کەرڎ و ئیسە ئینا حەفتەو (٥٤٩)مینیشنە.
ئێشکگێریۍ ئې حەفتەو چالاکا جمیەروو جوانا شۊڕشگێڵەکا، چې کەساېەتییا پێک ئامێنۍ " جەبار جگەرخوێن، حەقی تێکۊشەر، شینوار ئاڎەم، محەمەڎ ئاچگۊز".
جەبار جگەرخوێن بە نامۍ گرووپە ئێشکگرەکەېۆ، باسش جە کۊکوشییەکەو ڕۊدېاروو ( ٢٣) ۍ مانگەو کانوونوو ېووەمی جە پاریس کەرڎ و واتش: ئێمە ئەرەپەرسای جە کۊکوشییەکەی کەرمۍ، ئێمە پێسە جوانا فرە تووڕێنمۍ وەلۍ ئێمە لاېەنگریی تنڎوتیژی مەکەرمۍ،حەر پاسە گەرەکمانە ئا کۊکوشییە ڕۊشن کریۊوە و بکەروو ئا کۊکوشییە داڎگاېې کرېۊ.
"جەبار جگەرخوێن" سەرنجەش وستە سەروو گۊشەگیریی سەروو ڕابەر "ئاپۊ"ی و واتش: نزیکەو دووۍ ساڵان نەتاوانما ھیچ زانیارېێوە جە ڕابەرەکەیما ھور گێرمۍ. داوا جە ڕێکوزېاو "سی پی تی" و ڕێکوزېایە میاننەتەوەییەکا کەرمۍ، کە پەۍ دماېیئارڎەې بە گۊشەگیری حەر ئیسە دەسبەکارۍ با، ڕابەر ئاپۊ پەۍ ئێمە خەتەی سوورەنە دیسان ئی ڕاسییە وېروو گرڎ لایێ وزمێوە.
ھ.ئ
