گلێرگەو چالاکا مافوو مرۊڤوو ئێرانی "ھەرانا " تازەتەرین ئامارش تایبەت بە وێنیشاندایەکاوئێرانی-و وەرکۊتوو کورڎسانی، کە جە ڕۊدېاروو (١٦)ئەیلولوو (٢٠٢٢) دەسش پنە کەرڎ و ئینا چوارەم مانگنە وەڵا کەرڎۊ.
گلێرگەو چالاکا مافوو مرۊڤوو ئێرانی "ھەرانا " تازەتەرین ئامارش تایبەت بە وێنیشاندایەکاوئێرانی-و وەرکۊتوو کورڎسانی وەڵا کەرڎۊ. بە پاو ئامارەکەی جە سەرەتاو وێنیشاندایەکاوە حەتا ھیزی، لانوو کەمی (٥١٦) کەسۍ گەشمەرڎۍ بیێنۍ و لانوو کەمی (١٩) ھەزارێ و (٢٠٤) وێنیشاندەرێچ گیریێنۍ.
بە پاو ئامارەکەی جە سەرەتاو دەسپنەکەرڎەو وێنیشاندایەکاوە حەتا ڕۊو دووەشەمەی (٢ کانوونوو دووەموو٢٠٢٣) لانوو کەمی (٥١٦) وێنیشاندەرۍ گیانشا بەخشان، چا ژمارەیە (٧٠) کەسێشا تەمەنشا ئینا واروو (١٨) ساڵاوە.
بە پاو ئامارەکەی حەتا ھێزی جە (١٦١) شارانە جە ئێران و وەرکۊتوو کورڎسانی مەیڎانوو وێنیشاندای بییەن. جە عاقیبەتوو ئا وێنیشانداېانە کە بە سەرھۊرداو " ژەنی، ژېوای، ئازاڎی"
ئەشناسیان، لانوو کەمی (١٩) ھەزارۍ و (٢٠٤) کەسۍ گیریێنۍ. کە چا ژمارەیە (٦٨٧) کەسێشا، وانکارۍ مەڎرەسەی و زانسگەکانێ.
ئینەیچە جە وەختێنە، کە دەسەڵاتوو داڎوەریی ئێرانی بە تۊمەتەو " وەڵاکەرڎەېۊ خراپەکاری سەرزەمیننە و جەنگ دژ بە خوڎای" سزاو جە داردایش سەروو بەشێوە جە وێنیشاندەرە گیرېایەکارە سەپنان.
تا ئیسە دەسەڵاتوو داڎوەریی "جمووریی ئیسلامیی ئێرانی" سزاو جە داردایش سەروو دووۍ وێنیشاندەرارە، یاونان ېاگۍ، بە نامەکاو "موحسێن شکاری و مەجیڎ ڕەزا ڕەھنەوەرد".
ھ.ئ
