ئامەدەنە، ئیکۆلۆژیست و هیتیارې و خۊنکارۍ و ڕۆنامەنوویسۍ و نوێنەرۍ پارت و ڕێکوزیاکا گلېرگەی مەدەنی جە تەلارەو کۆنفرانسەکا تاهیر ئێلچی نووسینگەو یاسایی ئامەدی کوۍ بیێوە و ئەرەمەرزنای ئەنجوومەنو ئیکۆلۆژیی ئامەدیشا ئەرەیاۋنا.

لافیتەو "بێ ژیۋای ئیکۆلۆژیکو ئاشتی بەدی نمۍ" بەرزکریاوە، ئەندامو جەمەو ئیکۆلۆژیی ئامەدی، نەجدەت سەزگین سەرنجش وست سەرو ئامانجو گلېرۊبیەکەی و واتش: "ئێمە ئەنجوومەنو ئیکۆلۆژیی ئامەدی ئەرەمەرزنمۍ. ئەنجوومەنەکە بۆ بە چارەسەرێوە پەی کێشە ئیکۆلۆژییەکا. جە ۋەرکۊتوو مېیامینی جەنگ هەن، ئێمە پېسە ئەنجوومەنو ئیکۆلۆژی دژو جەنگینمۍ".

دماو هۊرچنیەو دیوانی، دەیەقێوە ڕێزگېرتەی لواڕاوە. دماتەر ئیکۆلۆژیست یەڵدرم ئارسەلان بنەماکۍ ئەنجوومەنەکەی و ڕۆژەڤەکێش وستۍ ڕووە، ئەرەیاۋناش تەڤگەرو ئازادی هۆشیاریێوەش لاو ئاڎیشاوە وەشکەرڎەن، واتش: "ئێمە سیستەمو مۆدێرنیتەی دیموکراتیکی پارێزنمۍ. ئازادیی ژەنۍ ڕێنێسانسو ئێمەن. ئارۆ ئێمە جە ۋەرکۊتوو مېیامینینە سەرمەشقایەتی ڕێنیسانسی مکەرمۍ. پۊکەی مشۊم ئیتر کۊششە تیۆرییەکۍ بیاوا بە گەلی".

پەیڕەوی دلېینەو ئەنجوومەنەکەی ۋنیاوە

دماتەر پەیڕەوی دلېینەو ئەنجوومەنو ئیکۆلۆژیی ئامەدی جە لایەنو چالاکوانی سەمرا داگدەلەنیۆ ۋنیاوە و ئەنجوومەنەکە ئەرەمەرزیا.