ئەرقەلە جە پنەدای چارەسەری پزیشكی بە زەینەب جەلالیانۍ مکریۆ
ئەرەیاۋېیا ئاژەو تەندرووسی زەینەب جالالیانۍ زیاتەر شێویان و ۋەرپەرسا گېرتەخانەکەیچ ئەرقەلە جە پنەدای چارەسەری پزیشكی مکەرا.
ڕێکوزیاو مافو مرۆڤو هەرانای سەبارەت بە ئاژەو زەینەب جەلالیانۍ زیناانییەی سیاسیەو کوردی جە زینانو یەزدی ئاماژەش پانەی دا سەراڕاو خراپتەربیەی ئاژەو تەندروسی جەلالیانۍ بەڵام ئەرقەلە جە پنەدای چارەسەری پزیشكی پەی نامە بریۍ مکریۆ.
ئاماژە پانەی کریان، ئا ژەنە زینانییە سیاسیۍ تووشو نەوەشی چەما، وڵکۍ و گەڎۍ بیێنە، هەرپاسە جە لایەنو ۋەرپەرسا زینانەکەیۆ ئەرقەلە جە چارەسەرکەردەیش مکریۆ.
یاگۍ ئاماژەیەنە، زەینەب جەلالیانە جە ساڵۊو ١٩٨٢ جە شارو ماکۆی سەر بە پارێزگاو ئورمیەو ۋەرکۊتوو کوردەسانینە ئامێنە دنیا، زەینەب جەلالیانە ساڵۊو ٢٠٠٧ بە بێ ئەمرەو دادوەری جە لایەنو هێزە ئەمنییەکا ئێرانیوە باڵبەسە کریا و جە ٢٥و شووباتو ٢٠٠٨ ی وزیا زینان و زینانیە كریا، دماتەر بە تۆمەتۊو “ئەندامیەتی جە گرووپەکا دژە ڕژێمی”، سزاو جە قەنارەدایش سەرەرە سەپیا و سزاو جە قەنارەدای زەینەب جەلالیانۍ جە لایەنو دادگاو لوایۆ پۊرەی و دادگاو باڵاو ئێرانی پەشتڕاس کریاوە، بەڵام دماتەر سزاکێس فاڕیا پەی زینانی هەتاهەتایی.
