ئۆیھانا ئیتکسیبارېتا؛ ئەنڎامەو "ئې ئێچ بیلدۊ"ی جە پەرلەمانوو ھەرێموو وێڕاوەبەریی باسک-ی واتش: پەنەوازەن ڕابەروو گەلوو کوردی ڕێزدار "عەبدوڵڵا ئۆجەلان " بتاوۊپارێزەرەکاش بوېنۊ داواش جە ئەرەمەرزېایەکاو ېەکێتیی ئۊرووپای کەرڎە، کە فشار وزا سەروو ترکیەی.
ئۆیھانا ئیتکسیبارېتا؛ ئەنڎامەو " ئې ئێچ بیلدۊ " جە پەرلەمانوو ھەرێموو وێڕاوەبەریی باسک-ی، بە بەشوو ئیسپانیی ئاژانسوو ھەواڵوو فورات (ANF)یش وات "ئاڎېۍ گرڎ ۋەختۍ داواو ئازاڎ کەرڎەی ڕابەر " ئاپۆ" یشا کەرڎێنە. واتش، ڕابەر ئاپۆ دۊسێوە گۊرەو ھەرێموو باسک-ین".
ئیتکسیباریتا واتش؛ گەلوو باسک-ی خاس ئاگاڎاروو ئانەی ھەنۍ، کە گێرتەی ڕابەرا جمیەروو ڕزگاریوازە نەتەوەییەکا ڕا پۍ چێشی وەش کەرۊ، ئێمە مزانمۍ بە مەڵامەتوو پەېوەنڎی مابەینوو ېەکێتیی ئۊرووپای و ئەنجوومەنوو ئۊرووپای چەنی ترکیەی گیرېان . وەلۍ پۍ ئانەی " سې پې تې " سەروو "ئۆجەلان"ی بڎا و ڕا دریۊ پارێزەرێ و ئەنڎاما خانەواڎەکەیش چەمشا بە ڕابەر "ئاپۊ"ی گنۊ پەنەوازافشار وزېۊ سەروو ترکیەی.
ئیتکسیباریتا واتش؛ ڕێزڎار " عەبدوڵڵا ئۆجەلان " سەرکرڎێوە میاننەتەوەیین . دلۍ گەلوو کوردېنە ېاگۍ باوەڕی و متمانەین، پەشتیوانیی گەلیش ھەن. پەشتگیری جە چارەکەرڎەی ئاشتییانەی کەرۊ ئانەېچش وات، پۍ ئەرەچارەو جەنگی بنەمێوە و توخمێوی سەرەکین.
ئیتکسیباریتا ئاماژەش بە ھجوومە کیمیاوېیەکاو سوپاو ترکیەی کەرڎ و واتش: بە پەیلوای ئێمە ئا ڕاسیۍ کە ڕاپۊرتەیچ-شا سەر ئاماڎە کریان فرە جددیێنۍ و ئێمە داوا جە ڕێکوزېاو قەڎەغەکەرڎەی چەکوو کیمیاوی (ئۆ پې سې دەبلیو )ی کەرمۍ، کە چا بابەتا کۆڵیاوە و مەبۊ ڕا درېۊ ترکیە بە بۍ سزا نەجاتش بۊ.
ھ.ئ
