ئەیوب ڕۆستەم، نۋیسەر و پەیجۆرکاری نامی هرامانی و کوردستانی، بە بۆنەو ڕۆو جیهانی زوانی جە پەلیانەو وێشەنە جە فەیسبۆک، وتارێش نۋیستێنە و جە میانشەنە زوانی ئەڎایی بە گەوهەرو ئەوەمەنەی گرد پێکئاماکان مزانۆنە و ماچۆنە: زوانی هٶرامی میراسگیرو زوانە ئارییەکان، بەڵام داخێ گرانەم ئەنەیاوای ژیرانە و پێ ئی زوانییە نیا.
ئەیۆب رۆستەم باسش جە ئانەی کەردەن: زەوانی ئەدایی ئا زوانەنە کە بنچینەی کولتووری گرد کۆمەڵێ بە جیاوێزی: (ڕەگەز، رەنگ، یاگێ ژیوای، و هٶرکٶتەی جوگرافی،  باری رٶشنویری و کٶمەڵایەتی و حوکمڕانی و دەسەڵاتداری) درٶسکەرٶ.
هەرپاسە نۋیستەنش: ئێمەی هٶرامی، زوانی ئەداییما دێرین و رەسەن و فرە دٶڵەمەندا، میراسگیرو زوانە ئارییەکان بە تایبەت زوانێ (:پاڵەوی بەهەردوە جٶرەکاشٶ کە ماچیوشا پنە سۆران پاڵەو و کارین پاڵەو ، هەرپاسە زوانی ئاوێستایی و تەنانەت رەێ سانسکریتییچش چنەنێ). زوانو ئێمە گرامەرێوی دٶڵەمەند و دەستووری دنیاییش چنەنێ، جە کٶ (١٣) دەسورا پێ بیەی زوانی دونیایی (١١) دەسورێشا زوانی هٶرامیەنە هەنێ، خٶ ئەگەر کنەی زانستی کریٶ، چانیشانە دوە دەسورەکەی تەریچ بانێ.، بە سەدان چەمکێ زوانیی کە بنەريتشا هٶرامیا دلی زوانو نەتەوەکا تەریەنە یان پێسە وێشا، یان بە کەمێ دەسکاریٶ وەرەچەم گنا، سامانی ئەدەبی و مەعرێفی ئی زوانیە پێ سەردەمێوی فرە دێرێنی گێڵٶوە، کە مایێوی گٶرەن پێ بیەی نەتەوەیی..

ئەیوب ڕۆستەم، نۋیسەر و پەیجۆرکار سەبارەت بە گرنگینەڎای بە زوانی هٶرامی جە ئارۆنە ماچۆنە: داخێ گرانەم ئەنەیاوای ژیرانە و پێ ئی زوانییە نیا و هیچ بایەخێ زانستی نەدریان پنەش کە ئینێچ پێ ئا حەزە ناڕەوایە گێڵٶوە روەو خەفەکەردەیش بەرٶ. ئا کەسی کە گەرەکشانە هٶرامی گنٶ پەشتٶ کەنٶڵا فرە خەیاڵشا خاوا، چون ئێنە سامانی کولتووری گٶرەش هەن هەمیشە بە زیندەیی و جاویدانی مەنٶوە.
نۋیسەر بە ئی جۆرە کۆتایی بە وتارەکێش ماوەرۆنە:
رٶ زوانی ئەڎایی جە گرد خەموەرێ زوانەکێش پیرٶز و هەر مەندێ بە وەشی.