جە مەنتېقەو قەسری شېرینی جە پارێزگاو کرماشان و ۋەرکۊتو کورڎسانی جە سەر سەعب و ئارۊی زەمېن لەرزێۋی بە قۋەت و٧.٤ پلا بە پێۋەرو ڕێختەری جە شارەکەنە ڕوۋەش داو

دوۋۍ کەرەتۍ سەرو یۊیۊ بەبەقوەتی زەمېنش لەرزناۋە .

بە پاو زانېایەکا ھەتا بێستا ٤ کەسۍ زامڎارۍ بیێنۍ .

شەۋەو ٢٨ و کانونو دوۋەمی-چ زەمېن لەرزێۋە تەر بە قوەت و ٥.٩ پلا بەپێۋەرو ڕیختەری جە شارو خۊی سەر بە پارێزگاو ورمۍ ڕوۋەش دابۍ ، بە مەڵامەت و ئا زەمېن لەرزەیۊ حۊت کەسۍ گېانشا بەخشاو نزېک بە ھەزار کەسایچ زامڎارۍ بېۍ .

حکومەت و ئێرانی ھامکاری مەیاونۊ بە زەرەر مەنڎاو زەمېن لەرزەکەو شارو خۊی و سەڎان خێزانۍ بە مەڵامەت و وڕاو یانەکاشاۋە ئەچی کەشە زمسانېەنە پی سەرڎاو سڵێۋە جبەرۊ ژیۋای بەرانۍ سەر .

ھ.ش