هاوسەرۆکی گشتی دەم پارتی تونجەر باقرخان لە بەشداریکردنی لە ٤هەمین کۆنگرەی ئاسایی پارتی سۆسیالیستی بندەستاندا ئاماژەی بەوەدا سیستەمی سەرمایەداری چیتر توانای خۆڕاگری نیە و سەرچاوەی قەیرانەکانی تورکیا و جیهانە. هەروەها ناوبراو هەڵسەنگاندی بۆ هێرشەکانی دەوڵەتی تورکی داگیرکەر کرد کە لە ٢٣ی تشرینی یەکەمەوە لەسەر باکوور و ڕۆژهەڵاتی سوریا دەستیپێکردووە، وێڕای شەرمەزارکردنی هێرشەکان رەخنەی ئەوەیکرد ئەم هێرشانە لە لایەن دەسەڵاتدارییەوە وەک سەرکەوتنێک پیشان دەدرێت.

لە بەردەومیدا باقڕخان تیشکی خستەسەر داواکەی دەوڵەت باخچەلی فاشیست و دەسنیشانیکرد هۆکاری ئەم داواکارییە دەرنجام و کاریگەری یەکێتی و تێکۆشانی ئێمەیە. وە ئاماژەی بەوەشکرد دەبێت میژووی کوردان و تورک لەسەر بنەمای دیموکراتیکی پێکەوە بژین و وتی: "کاتێک کورد قازانج دەکات، ئەوە هۆکارە بۆ قازانجی تورکیش، وە دواجار گەلانی تورکیا قازانج دەکات لەم پێکەوە بوونییە. چاوەڕانی ئاشتی و چارەسەریمان لەکەس نیە و یەکڕیزمان هۆکاری چارەسەری دیموکراتیکانەی پرسی کوردە."

'بەڕێز ئۆجالان چارەسەرییە'

لە کۆتاییدا باقڕخان ئاماژەی چاوپێکەوتنەکەی عومەر ئۆجالان لەگەڵ ڕێبەر ئاپۆدا کرد و بە ڕووداوێکی گرنگی وەسفکرد و وتی: "بە دەسەڵاتدارن دەڵێین؛ ئەوەی بابەتەکە چارەسەر بکات بەڕێز ئۆجالانە. دەرگای ئیمراڵی بکەنەوە، با فکرەکانی بەڕێز ئۆجالان بگات بە هەموو گەل. لە قۆناغێکی هەستیارداین. باوەڕمان بە خۆمان هەیە."