زیندانیانی ژن لە زیندانی ئێڤینی تاران، سەپاندنی سزای لەسێدارەدانیان بەسەر وەریشە مورادی چالاکوانانی مافەکانی ژنان و ئەندامی کۆمەڵگەی ژنانی ئازادی رۆژهەڵاتی کوردستان (کەژار) شەرمەزارکرد.

ژنان دروشمەکانی "کوردستان گۆڕستانی فاشیستان"، "ژن، ژیان، ئازادی" و "نەمان بۆ دەوڵەتی ئێران"یان وتەوە.

لقی ١٥ی دادگای شۆڕشی ئیسلامی لە تاران رۆژی ١٠ی تشرینی دووەم بە تۆمەتی 'خیانەت لە وڵات' سزای لەسێدارەدانی بەسەر زیندانی سیاسی و ئەندامی کەژار وەریشە مورادیدا سەپاند.

کەژار لە دژی بڕینەوەی سزای سێدارە بۆ وەریشە مورادی بانگەوازی بۆ پشتیوانی و ناڕەزایەتی دەربرین راگەیاندبوو.