نامیلکەکە لەلایەن “دەستەی وەرگێڕان بۆ هەورامی” کاری وەرگێڕانی بۆ کراوە و بەمزووانە لە سەرجەم کتێبخانەکانی باشووری کوردستان دەکەوێتە بەردەستی خوێنەران.

ناوەڕۆکی نامیلکەکە پرۆژەیەکە بۆ چارەسەرکردنی پرسەکانی ڕێکخستنی کۆمەڵگە و سیستم، کە لەبیر و بۆچوونەكانی ڕێبەر عەبدوڵا ئۆجالانەوە سەرچاوە دەگرێت، كە لەدووتوێی بەرگرینامەكانیدا خستوویەتییەڕوو.

لە ئێستاشدا لە ڕۆژئاوای كوردستان و باكووری سووریا كاری لەسەر دەكرێت و كەوتووەتە بواری جێبەجێكردنەوە و سەرنجی جیهانی بەلای خۆیدا ڕاكێشاوە.

شەهید دیار غەریب ناسراو بە هەڤاڵ هەڵمەت، ئەندامی کۆنسەی سەرۆکایەتیی کەجەکە بوو، لە ژیانیدا خاوەنی چەند کتێب و نامیلکەیەکە و یەکێک لە بەرهەمەکانیشی نامیلکەی خۆبەڕێوەبەریی دیموکراتیی بوو، ساڵی ٢٠١٩ لە بۆردوومانێکی دەوڵەتی تورکی داگیرکەردا لە بناری قەندیل شەهیدبوو.

ف.ق