نەورۆز لە چەند شارێکی ڕۆژهەڵاتی کوردستان پیرۆزکرا
هەزاران هاوڵاتی لە شارەکانی ڕۆژهەڵاتی کوردستان، بە جلوبەرگی کوردییەوە جەژنی نەورۆزیان پیرۆز کرد.
ئەمڕۆ لە شارەکانی مهاباد و سەردەشت و شنۆی ڕۆژهەڵاتی کوردستان، هەزاران کەس بە جلوبەرگی کوردییەوە ڕوویانکردە گۆڕەپانەکانی تایبەت بە ئاهەنگی نەورۆز و جەژنی نەورۆزیان پیرۆز کرد.
سەرەڕای فشار و ڕێگرییەکانی دەوڵەتی ئێران، کوردانی ڕۆژهەڵاتی کوردستان بەجۆشەوە ئاگری نەورۆزیان کردەوە و بە هەڵپەڕکێ و گۆرانی کوردی نەورۆزیان پیرۆز کرد.
