بەڕێوەبەرایەتی هاتووجۆی دهۆک رایگەیاند، ئەمرۆ لە سەر رێگەی کەڵەک-بەردەڕەش لەو پارێزگایە رووداوێکی هاتووچۆ روویداوە.

بە گوێرەی راگەیەندراوەکە لە ئەنجامی ئەو رووداوە ٥ کەس کە سیانیان ژن و یەکێکیان منداڵ بوون، گیانیان لەدەستداوە.

رووداوەکە پێشنیوەڕۆی ئەمرۆ روویداوە و لە راگەیەندراوەکەی بەڕێوەبەرایەتی هاتووچۆی دهۆکدا هاتووە کە رووداوەکە لەنێوان ئۆتۆمبێلێکی تایبەت و تانکەرێکی گواستنەوەی سوتەمەنی تورکیدابووە.

لە هەرێمی کوردستان لە ساڵی ٢٠٢٢ دا ٣ هەزار و ٧٠٦ رووداو تۆمارکرابوون و ٤٤٥ کەسیش بە هۆیانەوە ژیانیان لەدەستدابوو. لەو رووداوانەدا ٧ هەزار و ٢٥٠ کەس بریندارببون. تائێستا ئاماری رووداوەکانی هاتووچۆ لە ساڵی ٢٠٢٣ رانەگەیەندراوە.

هـ . ب