لە شاری هەوڵێر ڕێکخراوی 'ئێمە بۆ گەشەپێدانی مرۆیی هەین' بە هاوکاری ڕێکخراوێکی نەرویجی بە ناوی (ئێن پی ئەی) و ئەنجومەنی باڵای خانمان، هاوپەیمانی ژنانی باشوری کوردستان ڕاگەیەنرا.

بەهار عەلی یەکێک لە دامەزرێنەرانی هاوپەیمانیەکە رایگەیاند، هاوپەیمانی ژنان لە ژنانی چوار پارێزگای هەرێمی کوردستان پێکهاتووە و وتی، " ڕێکخراو و چالاکوانانی ژنان لەنێو هاوپەیمانیەکە جێی خۆیان دەگرن. ئامانجی سەرەکیمان ئەوەیە کە هێزی ژنان یەکبخەین و ڕێکخستنێک لەبەرانبەر هەر رووداوێکی کە روودەدات دروست بکەین. بەم رێگەیە یەکسانی و مافی ژنان لە هەریمی کوردستان مسۆگەر دەکرێت."

هەروەها ئاماژەی بەوەکرد، هاوپەیمانیەکە هەم بۆ باشکردنی دۆخی ژنان و هەم بۆ چاودێریکردنی یاسای لەبارەی ژنان دروست کراوە. واتە دەخوازن بزانن کا حکومەت لە رووی پەروەردە، خوێندن، کارکردن و رووەکانی دیکەوە گرنگی بە ژنان دەدات یان نا؟

بەهار عەلی داوای بەهێزکردنی هاوپەیمانی ژنانی کرد و گوتی، "پێویستە خۆمان ڕێکبخەینەوە، ئەنجومەنی باڵای خانمان، لایەنەکانی حکومەت، بەڕێوەبەرایەتی تێکۆشانی توندوتیژی دژی ژنان و لایەنە پەیوەندیدارەکان، پێکەوە لەدژی توندوتیژی سەر ژنان و نەهێڵانی توندوتیژی هەوڵ بدەن."

ف.ق