لە مانهایم هێرشکرایە سەر گردبوونەوەیەکی دژە ئیسلام و ٧ کەس برینداربوون
لە مانهایم کەسێک بە چەقۆ هێرشی کردە سەر گردبوونەوەی پاکس ئەوروپای دژە ئیسلامی، هێرشکەرەکە ٦ کەسی بریندار کرد، پاشان لەلایەن پۆلیسەوە بریندار کرا.
لە شاری مانهایمی ئەڵمانیا کەسێک بە چەقۆ هێرشی کردە سەر گردبوونەوەی پاکس ئەوروپای دژە ئیسلامی، هێرشکەرەکە ٦ کەسی بریندار کرد.
هێرشکەرەکە بە ڕەچەڵەک ئەفغانی بوو، لەلایەن پۆلیسەوە بە سەختی بریندار کرا، لێکۆڵەرانی بەرەنگاربوونەوەی تیرۆر لە ڕووداوەکەیان کۆڵییەوە.
بەقسەی پۆلیس ٥ ئەندامی پاک ئەوروپا و پۆلیسێک برینداربوون، بریندارەکان گەیەندراونەتە نەخۆشخانە و هەندێکیان بەپەلە نەشتەرگەرییان بۆ کراوە.
دەگوترێت بەڕێوەبەری پاکس ئەوروپا میشێل شتورزێنبێرگەر لەنێو بریندارەکانە.
وەزیری ناوخۆی ئەڵمانیا نانسی فەیسێر ڕایگەیاند پێدەچێت هۆکاری هێرشەکە ڕق و کینەی ئایینی و سیاسی بێت.
سەرۆکی شارەوانی مانهایم کریستیان سپێخت هێرشەکەی بە "تیرۆریستی" ناوبرد.
