باریانا سیدۆ خەڵکی گوندی چۆلاقای  سەربە ناوچەی جندرێسی عەفرینە، ئێستا لە شەهبا کۆچبەرە. ١٦ ساڵیەتی. لە منداڵیەوە خولیای موزیکی هەبووە، بۆیەوە رژێک ببێتە هونەرمەندێکی ناودار. بەڵام دەوڵەتی تورکی داگیرکەر و هێرشەکانی بوونە لەمپەر لەبەردەم خەونەکانی باریانا. دوای ئەوەی لە ١٨ی ئاداری ٢٠١٨ خەڵکی عەفرین کۆچبەر بوون، باریانا سیدۆ لە شەهبا گیرسایەوە، تا لەگەڵ خەڵکی شارەکەی درێژە بە بەرخودان بدەن و بە سەربەرزی بگەڕێنەوە بۆ عەفرین.

باریانا سیدۆ لەبارەی سەرەتای هەنگاوەکانی لە بواری موزیک قسەی کرد و وتی، "لەبەر ئەوەی لە ناو خێزانێکی هونەرمەنددا دەژیم، باوک و برا و خوشکەکەم گۆرانیبێژ و موزیکژەنن، من حەزی زۆرم بۆ هونەر و موزیک لەلا دروست بوو. لەبەر ئەوەی منداڵ بووم و دەچوومە خوێندنگە زۆر نەمدەتوانی خۆ بەرەوپێش ببەم. بەڵام دوای کۆچبەری لە شەهبا من چوومە ناو گروپی منداڵان و لەوێ گۆرانیم وت. لەوێوە خۆشەویستی من بۆ گیتار زیادی کرد.

'من زنجیرەکانی کۆجبەریم پساند'

باریانا لە درێژەدا وتی، "کاتێک حەزم لە فێربوونی گیتار کرد، دەرفەت و توانای ئەوەم نەبوو کە فێربم. بەڵام بە هۆی خوشکە موزیکژەکەم و مامۆستای کەمان کە لە شەهبا وانەی کەمانی دەوتەوە، من فێری کەمان بووم. هەر کەسێک فێری ژەنینی کەمان بێت، دەتوانێت هەموو ئامێرە موزیکیەکانی دیکە کە ژێدارن بژەنێت. گیتارێکم دابین کرد و لە رێگەی کۆرسی ئۆنلاینەوە خۆم فێری ژەنینی کرد. بە پێداگری خۆمەوە زنجیرەکانی کۆچبەریم پساند و وردە وردە فێری ژەنینی کەمان و گیتاربووم".

'لە ناوەندی کولتوری هیلالی زێڕین ئەندامێکی سەرەکیم'

باریانا سیدۆ باسی لەوەکرد کە لە رێگەی پەروەردەکردنی خۆیەوە و بە هاریکاری بنەماڵەکەی، لەناو دەزگای کولتوری ژنانی هیلالی زێرینی کانتۆنی عەفرین و شەهبا بووەتە ئەندامێکی سەرەکی و بەم وتانە کۆتایی بە قسەکانی هێنا: "ئێستا لە شەهبا و لە ناو گروپەکانی هیلانی زێرین کەمان، گیتار و دەف دەژەنم و هیوادارم کە زیاتر خۆم بەرەو پێشەوە ببەم و بگەمە ئامانجەکەم".

هـ . ب