شاروو عاموداو کانتۆنوو جەزیرەینە دژوو هجوومی ئەرەگیریی دەوڵەتوو ئەرەگیروو تورکی و سیستموو ئەشکەنجەو ئیمراڵی جەماوەرییانە ڕا پیمیا. ئەنداماو ئەرەمەرزیایەکاو ئیدارەو وێڕاوەبەریی دیموکراتیکوو سەرنیشت و وەرکەوتوو سووریای، جمیەروو گەنجە شۆڕشگێڵناو سوریای و چندین هاموەڵاتێ بەشدارێ ڕاپیمایەکەی بێنێ.

ڕاپیمایەکە مەیدانوو گەشمەردە جیهادیوە تا ناوەندوو جمیەروو گەنجە شۆڕشگێڵناو سووریای بەردەوام بی. پانکارتێ "دژوو ئەرەگیری جەنگوو ئازادیی سەربوزدێ" هورگیریا، درووشموو "نا پەی هجوومی ئەەرەگیریی دەوڵەتی" و "بمرۆ خیانەت" و "بژیوۆ سەرک ئاپۆ" و "مدرامان ژیوایا" و "بژیوۆمدرامانوو گەریلای" بەرزێ کریێوە.

ئەندامەو جمیەروو گەنجە شۆڕشگێڵنا، سوهام حەسەنە ئەرەیاوناێوەش واناوە، هجوومەکاو دەوڵەتی ئەرەگیروو تورکیش پەی سەروو هەرێمەکەی و سیستموو ئەشکەنجەی و قڕکەردەی ئیمراڵی شەرمەزارێ کەردێ.

دلێشنە ئاماژە پانەیە کریا،گەلوو هەرێمەکەی پەی دەسنیسانکەردەی سەرکەوتەی و ئازادیی جەسەیی ڕابەروو گەلوو کوردی عەبدوڵا ئۆجالانی، بەردەوام بۆ ڕاو گەشمەردانە.

ئەرەیاونایەکە بە درووشموو "بێ سەرۆکی ژیوای نمەبۆ" و "بژیوۆ سەرۆک ئاپۆ"ی دماییش ئاما.