کەسکین بایندر، هامسەرۆکو دەبەپەی ئێلحەنە جە چالاکی ئیڎانەکەردەینە دژ بە دەسسەرەرەگێرتەی شارەوانییەکا قسێش کەردۍ و داواو بەشداریش جە گلێرۆبیەو ١٧و تشرینو دووەمینە کەرڎ. بایندر واتش: "چارەسەری تەنیا بە ڕابەر ئاپۆی مکریۆ."
ماوەو ١٠ ڕوان ۋێنیشاندای دژو دەسسەرەرەگێرتەی شارەوانی ئێلیحی بەردەواما. گەل جە پارکو یڵماز گونەی کوۍ بیێوە و بەرەو مێڎانو باسەنێ ڕاپیمایشا کەرد. هامسەرۆکو دەبەپەی کەسکین بایندەریچ بەشدارو ڕاپیماکەی بۍ.
هەرپاسە هامسەرۆکو دەم پارتی ئێلحەنە سۆنگول کۆرکماز جە چالاکییەکەنە ئەرەیاۋناش، مڎرامان بەردەواما. هامکات ئۆزنور بارتنە پەرلەمانتارەو دەم پارتی جە بازنەو جۆلەمێرگینە واتش: "ئەدیپ سۆلماز جە لایەنو گەلیوە هۆرچنیا. کوشیا. ئیساتۍ جە ڕاو قەیومەکاوە هرووژم مکەرا سەرو ئیراڎەو گەلی. ئی گەلە بە مڎرامانوو ۋێشا ڕا پی تاڵانکارییە نمەڎا."
هامسەرۆکو دەبەپەی کەسکین بایندەر جە چالاکییەکەنە واتش: "ئێمە دژو دەسسەرەرەگێرتەی ئیراڎەیما دەسما بە مڎرامانی کەرڎ، با کەس هەوڵی ئانەی نەڎۆ کە ئی مڎرامانیە بە تاوانە بزانۆ. ئانۍ بەشدارۍ ئی مڎرامانیە نمەبا، پەنەوازا کەرامەت نیشانە بڎا. نزیکبیەیۆ تورکیای ۋەرا ۋەر بە کوردی هەمان نزیکبیەیۆین کە ئێلیحەنە ڕووە مڎۆ. کۆمکوژی، دەربەدەری، دەسسەرەرەگێرتەی ئیراڎەی گرڎ چۍ شارەنە کریان. گرنگی بە مڎارامانو ئێلیحی بڎەیدۍ. ئی گەلە قەد پاشەکشە نمەکەرۆ.
بایندر باسش چانەیچ کەرڎ، سیاسەتەکۍ حکومەتو ئاکەپە-مەهەپەی دووڕووانەن و واتش: "ئانۍ باسو ئاشتی مکەرا جە لێوە، جە لێوەتەرۆ موخاتەبو ئاشتی گۆشەگیر مکەرا، شمە موخاتەبو ئاشتی و ئازادی و واڵە و برایەتی گەلوو کوردی و تورکی گۆشەگیر مکەرا، ئەر گەرەکتانە پرسەکە چارەسەر بکریۆ، موخاتەب تەنیا ئێژا ئۆجالانە، جیا چانەی ڕاو ئێمە ئەرەکۆشای و مڎرامانا. سەرۆک کۆمار ماچۆ؛ "ڕاو سیاسەتی دیموکراتیکی کریێنۆ، کوردەسانەنە ڕاو سیاسەتی دیموکراتیکی جە گەلوو کوردی و سیاسەتمەدارەکا گیریان. پنەما ماچا، سەرە بەرز نمەکەردێوە، جە گەلەکەیما پەرسا چی ناڕەزایی نیشانە مڎەیدۍ؟ ڕۆشنا گەلوو کوردی جە دژو ستەمی و پاشێل کاری مڎرامان مکەرۆ.
بایندر ئاماژەش پانەیچ کەرڎ کە ڕۆو ١٧و مانگۍ گلێرۆبیەیۍ گۆرە پەی ئازادی ئێژا ئۆجالانی و چارەسەری دیموکراسیانەو پرسو کوردی ملۆڕاوە، داوا جە گەلەکەیما مکەرمۍ بەشداری ئی مڎرامانە گۆرەیە بکەرا. ئی گلێرۆبیەیە پەی لوای وەڵێوەی سیاسەتی دیموکراتیکین."
