حسێن سورگەچ زینانی نەوەش کە جە زینانو تەکیرداغینە سزاو زینانی تاکەکەسیش سەرەرە سەپیان، زانیان سزێکێ بە بەهانێ فاکس گیانایۆ بییەن کە سورگەچ هەوڵش دان پەی وەیسی ئاکتاشیش گیانۆ کە ئینا زینانو ئیمرالینە.
زانیان حسێن سورگەچ نوویسەری زینانکریا جەلایەنو ئیدارەو زینانیۆ سزاو ١١ ڕوا زینانو تاکەکەسیش سەرەرە سەپیان. هەرپاسە ئەرەیاویان جە ١٠و نیسانینە پەی ژوورو تاکەکەسی فارییانۆ و گرڏ و مافەکا پەیوەندیکەردەی و سەردانیش چنە قەدەغە کریان.
دادگایوئەمنی دۆڵەتی جە کاتو وێشنە بە بەهانێ دۆسیەو ١٥و شوباتی ١٩٩٩ سورگەچش بە شێوێ نایاسایی باڵبەسکەرد و سزاو زینانی هەتاهەتاییش سەرەرە سەپنان.
سورگەچ یوەمجار جە زینانو شارو مەلەتی و دماتەر دور وزیانۆ پەی زینانو چەولیکی، ئامەد و ئەلبەسان و ماڵتەپە٢ ئەستەنبوڵی. یەرێ مانگێ چێوەڵتەر دوور وزیانۆ پەی زینانو تەکیرداغو حەرفەو F ژمارە ٢.
شایانو باسین سورگەچ تووشو چنین نەوەشی دێژخایەنی پێسەو ڕۆماتیزمی و نەوەشییەکێ دڵی و ڕیخۆڵەی بییەن.
سورگەچ جە ماوەو ٢٦ساڵا زینانینە، کتێبەکێش بە نامێ "هەڵسەو دێرسیم" ی و "گلێرگە و دێوانە"ی نویستێنێش.
هەرپاسە سورگەچ ساڵانێ فرەن چنی وەیسی ئاکتاشی جە زینانە مەنەنۆ. قەرار بێ ساڵەی ویەردێ وەیسی ئاکتاش ئازاد کریۆنە، بەڵام ئازادکەردەیش پەی ماوەو ساڵێوە بەشێوێ هەڕەمەکی دما وزیان.
