هجوومە ئەرەگیرکاری و تاڵانکارییەکاو دەوڵەتوو ئەرەگیروو تورکی پەی سەرو پانیشتوو کورڎەسانی بەردەوامېنۍ. دماو هجوومکەردەی سەرو هەرێموو ڕێکانی جە مەنتیقەو ئامێدی سەر بە دهۆکی، ئێرێوە گۆرە کەوتۆ.

ئێرەکە بەمەڵامەتوو بەئامانجگرتەی مەنتیقە مەدەنییەکا کۊتەنۆ و بە مەنتیقێوە ۋەرفراوانەنە تەشەنەش ئەسان. حەرپاسە جە بۆردوومانەکەنە تراکتۆرێوە هاموڵاتیا کریا ئامانج. ئێرەکە هەڵای بەردەواما.