هرووژمەکۍ رووسیای ئیدلیبەنە ١٠ کوشیۍ و ٣٠ زامڎارێش چنە کۆتۍ
روانگەو سوریی پەی مافەکا مرۆڤی وەڵاش کەردۆ، جە هرووژمەکا رووسیاینە پەی سەرو ئیدلیبی ١٠ کەسۍ کوشیێنۍ و ٣٠ کەسێچ زامڎارۍ بیێنۍ.
روانگەو سوریی پەی مافەکاو مرۆڤی کە نوسینگەکەش ئینا لەندەنەنە ئەرەیاۋناش، "١٠ هاموڵاتیۍ مەدەنیۍ کە چن زاوڵێچشا ئینۍ دلێنە جە ئاکامو بۆردومانو رووسیاینە کوشیێنۍ و ٣٠ کەسۍ کە ١٤ کەسێشا زاوڵێنۍ زامڎارێنۍ.
ڕۆشنشکەردەنۆ کە، رووسیا چڼین کارگێش جە دەوروبەرو ئیدلیبینە کەردێنۍ ئامانج. تا ئیساتۍ سوپاو رووسیای چا بارۆ هیچ ئەرەیاۋنێوەش نەڎان.
وەڵتەر ئاێربەس جە ما بەینو رووسیا و تورکیاینە جە ئیدلبەنە ئیمزا کریابۍ، بەڵام هەر دووەلا بەردەوام ئاێربەسەکەشا پاشێلکەردەن.
نزیک بە نیمەو رووبەرو ئیدلبی ئینا چێردەسو چەتەکا تەحریر شامینە کە سەر بە ئەنقەرەینۍ.
