دماو دەس سەرەرەگێرتەو شارەوانی دێرسیمی جە پشکو دەم پارتیی و هەرپاسە دەس سەرەرەگێرتەی شارەوانی پلوری کە جە پشکو جەهەپەین، گردوو مەنتیقەو شارەکەی بیەن بە مەیڏانو مڏرامانی.

گەل جە دژو رژێمی ئەرەگیری، وروژیێنۍ دلی مێڏانەکەینە. دماو ئانەی پۆلیسەکی بە گازی هەلسمچ و ئاوی چیێ هجومشا کەرد سەرو هاموڵاتیا، جە کۆڵانەکانە ئێرکریاوە و کاروەدایشا نیشانەدا.

جوانێ گردو کۆڵانەکا شارینە وەڵێ بیێوەو و درێژەشا دا بە وێڕاگیری.

هامسەرۆکەو گردی پارتو هەرێمە دیموکراتیکەکا (دەبەپە)ی جیدەم کلیچگون ئوچارە سەردای درێسیمیش کەرد و دلۍ بیناو رێکوزیاو دەم پارتینە چا شارەنە گلێرۆبیەیش سازکەرد.