دماو بانگەوازە ڤیدۆییەکەو ڕابەر ئاپۆی کە دماو ٢٦ ساڵا جە زینانیکەردەیش پەی یووەمجاری وەڵا کریاوە، سەرنجەکې کیشیې پەی سەرو مەراسیمەکەو پەکەکەی کە چەمەڕا مکریۆ سنوورو سلێمانینە بلۆڕاوە.
چنی وەڵابیەیۆ پەیامەکەو ڕابەر ئاپۆی کە بەشێوەو دیمەنی جە دوورگەو ئیمراڵینە نیشانەدریا، سەرنجەکې لوې سەرو ئا مەراسیمە سەروازییەو پەکەکەی کە قەرارا سنوورو سلێمانینە ئەنجام بڎریۆ. چەمەڕا مکریۆ مەراسیمەکە سەرو بنەماو بانگەوازو 'باوەڕیم بە هێزو ئاشتی کۆمەڵایەتی و سیاسەتی هەن، نەک بە چەک'و ڕابەر ئاپۆی ئەنجام بڎریۆ.
بە ڕیکوستەی و ئاماڎەسازی دەم پارتی ڕا دریا چن کەسێوە جە ڕۆنامەوانا، ڕۆشنۋیرا و نوویسەرا بەیانە سلێمانی. هەرپاسە چڼین پارتې سیاسی، ڕێکوزیې مافو مرۆڤی، جەمە و ڕێکوزیا مەدەنییەکې خوڵقەو مەراسیمەکەی کریێنې و چەمەڕې ئانەینې نوێنەرەکاشا بکیانا پەی مەراسیمەکەی.
بەگرڎیی نوێنەرې ئی پاراتا پەی مەراسیمە سەروازییەکەو پەکەکەی خوڵقەکریێنې؛ پارتو شۆڕشگێڵنی، پارتو سۆسیالیست و چېردەسا، پارتو چەپی سەوزی، پارتو سەرجەنۆ ئەرەمەرزنایۆ سۆسیالیستی، پلاتفۆڕمو پەشتیوانی سۆسیالیستی، پارتو کرێکارا تورکیای، پارتو ئازادی کۆمەڵایەتی، پارتو ڕەنجی، پارتو جمېیەری ڕەنجدەر، فیدراسیۆنو ئەنجوومەنو سۆسیالیستی، پارتو سەعادەتی، پارتو دەڤای، پارتو ئایندەی و پارتو ڤاتانی.
هەرپاسە چەمەڕا مکریۆ هامسەرۆکاو گرڎیی و هاموتەواچا دەبەپەی و دەم پارتی و هەدەکەی و دەسوەڵێوستەی یۆبیەی دیموکراتیک پەی بەشداری جە مەراسیمەکەی بەیا پەی سلێمانی. هەرپاسە بەشێوە فرە جە ڕێکوزیا و جەمە مەدەنییەکا خوڵقەو مەراسیمەکەی کریێنې.
