بانگەوازە تاریخیەکەو ڕابەر ئاپۆی کە جە ئاژانسوو هەواڵو فوراتی (ANF)یۆ دماو ٢٦ ساڵا وەڵابیۆ، بە هیوا و جۆشێوە گۊرۆ پێشوازیش ۋنەکریا.

هامسەرۆکو جەمەو هامکاری و پەشتیوانی جە بنەیانەو زینانیکریایا و حوکمدریایا مەڕمەڕەی (MATUHAYDER) زەکی کلنج سەبارەت بە بانگەوازە ڤیدۆییەکەو ڕابەر ئاپۆی پەی ئاژانسوو هەواڵو فوراتی (ANF)ی قسێش کەردې.

کلچ ئاماژەش پانەی کەرڎ، بانگەوازەکە فرە گرنگا و هېماو سەنگینی ئەوەکۊشاین و واتش: "دماو ٢٧ ساڵا ئەژنەوییەی سەڎاو ئېژا ئۆجالانی کە حەرچڼە جە شاشێچۆ بۆ، بی بە هېماو ڕاسیی ئەوەکۊشای."

واچە تاریخیەکې

کلچ ئاماژەش پانەیە کەرڎ: "هەمڕایی کۆمیناڵی پېسە بەشێوە ئەوەکۊشای بەڕاسی پېسەنە هێمێوە کە پەی مېڎانوو ئەوەکۊشای فرە وەشەسیان. سەبارەت پانەی ئێمە پېسە بنەیانەو زینانیا خاوەنداریی جە پڕۆسەکەی مکەرمې و قسەکاو ئېژا ئۆجالانی مکەرمې بە بنەما. جە زینانەکانە جەمې هەڤاڵې ئێمە هەنې، ئا هەڤاڵێما هەنې کە ماوەو زینانی کەردەیشا بە مەبەس درێژکریانۆ و ئێمە داواو ئازادیی ئاڎیشا مکەرمې. پۊکەی ئازادیی تاکەکا ئازادیی گلېرگەیا، متاومې واچمې کە بەگوێرەو پارادایمو ئازادیی گلېرگەی ئازادیی تاکەکا کریان بە بنەما."

کلچ ئاماژەش پانەی کەرد، بانگەوازەکە بانگەوازێوە تاریخی و وەرپرسیارانە گێرۆنە ئەستۆ و ئەرەیاوناش: "بەڕاسی بانگەوازەکە پەی ئێمە فرە گرنگا، بانگەوازەکە تاریخییا. ڕا پەی ئەرەمەزنارە و گلێرگێوە دیموکراتیکی و، بەهێزبییە و ئاشتی و بەشداری کەردەی زینانەکا چی ئاشتییەنە وەش مکەرۆ."

هیوایێ گۆرەش بە بنەیانەکا بەخشا

کلچ ئاماژەش پانەی دا بانگەواز و دیمەنەکێ هیوایێ گۆرەشا بە بنەیانە و زینانیا بەخشا و واتش: "پەی بنەیانەکاما هیوایێ گۆرە بێ. تاومێ وتارە 'هیوا جە سەرکەوتەی بە هادارتەرا' واوەی بکەرمێوە. مشۆم جە ئیسۆ حکومەتو ئاکەپەی و دۆڵەت هەنگامەی دیموکراتیکە بنیا.چەمەڕاو هەنگامەکا پەیوەس بە پەرەپنەدای پرۆسەو ئاشتی و دیموکراتیکینمێ کە بە شێوێ دڵسۆزانە، سەرکەوتوانە و دمای بە نیگەرانییەکا بنەیانەکاما بارانە. مشۆم ئینە بە شێوێ ئاشکرا دەستنیشان کریۆ. وتارەکێ ئێژا ئۆجالانی، عەقڵو ئا گلێرگەیەی کە پارێزنا و ئاشتی و دیموکراسی مکەرۆ، ڕۆشنتەر مکەرۆوە. جە دیمەنەکانە مۆڕاڵ، پاڵنەر، هیوا و ئیرادەو چارەسەرکەردەی پەرسەکاما بە شێوێ ڕۆشن وینا.

 پێسە و بنەیانەکا هیواڎارێنمې. چی پرۆسەنە بە دەسکەوتەکا گلێرگە و دیموکراتیکی پڕۆسەکەی تاجدار مکەرمێ. پێسە و جەمە و بنەیانەو زینانیا ئینایمی چا بروێنە کە مشۆم پاسە کۆشش بکەرمێ کە جە ماوەو چن مانگێنە هیچ هەڤاڵێوەما زینانەنە نەمەنۆوە. جە ئیساتېوە هەڤاڵێما زینانەنە بەرێ مشا، بەشدارې ئی پڕۆسەیشا مکەرمێ و جە ئەوەکۆشایما بەردەوامێ بیمێ."