تەڤگەرو ئازادی ژەنا ئێزدی بە ئەرەیاۋنێوە بەشداربیەی ۋێش جە هەڵمەتۆو جەهانی 'گەرەکمانە عەبدوڵڵا ئۆجالانی بوینمې' ئەرەیاۋنا و دیارشا کەرد ئازادی بەڎەنی ڕابەر ئاپۆی ئازادی ژەنا ئێزدییا.
چالاکی ئەرەیاوناکەی جە باخچەو ڕابەر ئاپۆی ئەنجام دریا، ژەنێ ئێزدیێ جەختشا جە پەرەدای بە ئەوەکۆشایشا کەردۆ تا مسۆگەر کەردە و ئازادی جەسەیی ڕابەر ئاپۆی.
چالاکییەکەنە واتەواچەو تاژێ، ڕیهام حجۆوە قسێش کەردێ و ئاماژەش پانەی دا پێسە و تەڤگەرو ژەنا پەشتیوانی چی کەمپینەیە مکەرا، هەرپاسە دەستنیشانش کەرد بە ئیسەیشۆ گۆشەگیری سەر و ڕابەر ئاپۆی بەردەواما، پۆکەی درێژە بە چالاکییەکاشا مرانە تا مسۆگەرکەردە و ئازادی جەسەیی ڕابەر ئاپۆی.
ئەڏایاو گەشمەرڏا داواو وینا و ڕابەر ئاپۆی مکەرا
حەر جە چالاکییەکەنە ئەڏایاو گەشمەرڏە خۆجە جندی قسێش کەردە و ئاماژەش پانەی دا پێسە و ژەنا ئێزدی پەنەوازا وەڵێ گرڏ چێوێ بە عالی جە ڕابەر ئاپۆی ئاومێنە و واتش: "پێسە و ژەنێ و گلێرگێوە کە ڕزگاربیێ کۆمکوژییەکانمێ، داواما ئانێنە سەرۆکی بە ئازادی وینمێ. کاتو ئانەین بە ئازادی وینمێش و دیدارش بکەرمێ."
هەرپاسە بەرف ئەلیاسیە ئەڏایا و گەشمەرڏەی جەختش چابەی کەردۆ گرڏ هەرمانێ مکەرمێ پەی ئازادی جەسەیی ڕابەر ئاپۆی و هیواشا وینا و ئازادی جەسەیی ڕابەر ئاپۆین.
بانگەوازو ئەوەکۆشای
سەر و نامێ ژەنە جوانا شەنگالی، ئاڤێستا ئەزدادە بە سڵام کەردەی جە ڕابەر ئاپۆی قسێش کەردە و واتش: "پێسە و جوانا بەشداری ئی هەوڵەو تاژێ بیمێ. ئانەی ئینا ئەستۆمانە وانایۆ فکر و ئایدیاو ڕابەر ئاپۆین. دەرنجام پی جۆرە تاومێ شایستەو ڕابەر ئاپۆی بیمێ. پۆکەی مشۆم خاوەنداری جە ڕابەر ئاپۆی بکەرمێ و ئەوەکۆشایما پەی ئازادی جەسەیی ڕابەر ئاپۆی پەرە پنەدەیمه."
