عەبدوڵا ئاکسو دوای ٣١ ساڵ ئازاد کرا
عەبدوڵا ئاکسو کە دوای ٣١ ساڵ لە زیندانی ژمارە ٣ی جۆری Tی ئیزمیر ئازاد کرا، لە شاری خۆی لە سێرت بە بەشێوەیەکی جەماوەری پێشوازی لێکرا.
.عەبدوڵا ئاکسو کە دوای ٣١ ساڵ لە زیندانی ئیزمیر ئازاد کرا، لە شاری خۆی لە سێرت بە شێوەیەکی جەماوەری پێشوازی لێکرا. هاوکات ئەندامانی بنەماڵەکەی، جەماوەرێکی زۆر لەگەڵ گەیشتنە ناو شارەکەوە پێشوازییان لە ئاکسو کرد.
ئاکسو پاش گەیشتنی سەرنجی خستەسەر پەیامە ڤیدیۆییەکەی ڕێبەر ئاپۆ و ڕایگەیاند زۆر دڵخۆشم و وتی: "لەسەر ئەم بنەمایانە لە کەسایەتی ڕێبەر ئاپۆدا هەموو ئەو هەڤاڵانەی لە زیندانی ئامەد شەهید بوون بە ڕێزدارییەوە بەبیر دێنینەوە. بەدڵنیاییەوە خاوەنداری لە میراتەکەیان دەکەین."
عبداللە ئاکسو کێیە؟
ئاکسو لە ساڵی ١٩٩٤ لە سێرت دەستبەسەر و دواتر زیندانی کرا. دادگای ئەمنی دەوڵەت لە ئامەد سزای زیندانی هەتاهەتایی بەسەردا سەپاند. ئاکسو لەماوەی زیندانەکەیدا لە زیندانەکانی سێرت، دیلۆک، ئامەد و شاکران ڕاگیراوە.
