هەپەگە یادو گەریلێوە گەشمەرڏەیش بەرزڕاگێرت و ئەرەیاوناش، " تا دماین هەناسە بێ دووەدڵی درێژەش بە ڕاپیمای وێش دان جەنگاوەرێ ئاپۆیی نمونەیین، کە نامێ وێش جە تاریخو ئازادیی گەلەکەیمانە نوویستۆ".
ئەرەیاوناو ناوەندو ئەرەیاونای و چاپەمەنی هەپەگەی پی جۆرەنە:
"جەنگاوەرو ئازایی ئاپۆیی هەمڕا سەردار باتمان کە جە ساڵەو ٢٠٢٠ نە گەشمەرڏەبی، بە رێز و پنەزانای یادش مکەرمێ و قەول واوەیی مکەرمێ کە هەدەفەکاش سەروسمینە و گرد کاتێ یادو ئاری بە زینەیی راگیرمێنە.
هەمڕاما سەردار پەی ئازادی گەل و وڵاتەکەیما بە قەناعەتو و وسیتێ گەورۆ بەشداریش جە ریزەکا گەریلاینە کەرد، هەر زوو شارەزاو گەریلایەتی بیی. جە گارزانۆ تا هەرێمەکا پارێزناو مەدیای و چاکەیش بەرەو ئامەد ڕاپیمێوە گەورەش گێرتەرە وەر. هەمڕاما سەردار بە قووڵبیەیۆ جە ئایدۆلۆژیاو ئاپۆیی بە شێوێ شارەزایانە هونەرو گەریلایەتی وێش جە ئەرکە شۆڕشگێڵییەکا بەکارئارد. بە بەشداربیەی ورەبەرزیش، بە هەمڕایەتی راستگۆیانە و بە کردەوەکاش بیی بە مایەو رێز و وەشەویسی هەمڕێیاش. بە ویستێ گەورە رووەشکەردە ئامەد و بە رۆحێ گیانبازییۆ بەشداریش جە ئەرەکۆشای دژوار جە سەرنیشتەنە کەرد. هەمڕاما سەردار کە گرد چێوێش پەی ئەرەکۆشای ئازادی بەخت کەرد، ئا ڕاپیمای تا دماین هەناسەو وێش بە بێ دوودڵی درێژەش پنەدا و بیی بە جەنگاوەرێ نمونەیی ئاپۆیی کە نامێ وێش جە تاریخو ئازادیی گەلەکەما نویستۆ.
سەرەوەشی جە بنەیانەو هەمڕا سەرداری و گردو گەلە وڵاتپارێزنەرەکەیما کوردەسانەنە مکەرمێ و قەول واوەیی مکەرمێ کە بیمی بە شۆنکەوتەو گەشمەرڏاما و هەدەفەکەیشا بارمێنەدی.
زانیارییەکێ سەرو شناسنامەو هەمڕاما سەردار باتمانی بی جۆرەنە:
ناسنامۍ / سەردار باتمان
نامۍ و دما نامۍ / محەمەد چەلیک
شۆنەماو جە ئەڎابیەی / ئێلیح
نامۍ ئەڎۍ و نامۍ تاتەی / میاسە- ئەلیاس
شۆنەمەو کاتو گەشمەرڎەبیەی / ٢٠٢٠- ئامەد
