دووۍ سەروازۍ کە بە تۊمەتوو دەسدرێژیکەرڎەی سەروو پەنابەرێوە ئەفغانی بە نامێ "ل.م " دەستگیرۍ کریێبێنۍ، بەڵام فەرمانگەو داواکاری گرڎینی بڕیاروو کۊڵیایۊ نهێنییش پەی تاوانەکەیشا بەر کەردە، کە ئامانج چەنەش شارتەیۊ تاوانەکەی و وەردای و بەرەڵڵاکەرڎەی سەروازەکان.
ڕۊو ٢ی کانوونوو دووەمی، ١٧ پەنابەری بەنگلادشیۍ و پەنابەرێوە بە نامۍ " ل.م"ی، جە مەنتێقەو "سەراڤوو وان"ینە گیریۍ، وەروو ئانەی حیچ ژەنە کارمەنڎێوە جە بنکە سەروازییەکەنە نەبۍ، دووۍ سەروازۍ دەسشا کەرڎەن بە وشکنای "ل.م"ی و بەرڎەنشا پەی قولۍ پاسەوانی و دووە سەروازەکۍ دەسدرێژییشا کەرڎەن سەرش، بەڵام "ل.م" دەسش کەرڎەن هاوارکەرڎەی و چند سەروازۍ تەرۍ لوێنۍ پەی قولەکۍ پا تەعرە تاوانوو ئا دووە سەروازە دەستدرێژیکەرا ئاشکرا بییەن.
هەردووە سەروازەکۍ، کە دەسدرێژیشا کەرڎەن سەروو" ل.م"ی گیریینۍ. هەردووی دماو ورگێرتەی واتەکاشا بارەو دەسدرێژییەکەیۊ، جە ڕاوەبەرایەتیی پۊلیسیوە ڕوانەو داڎگای کریینۍ و داڎگا بڕیاروو زیندانیکەرڎەیش پەی بەرکەردێنۍ.
دماو ئانەی داواکاری گرڎین بڕیاری نهێنییش پەی سەروو دۊسیەکەی و کۊڵیایۊکەی بەر کەردە، کە ئامانج جە بڕیارەکەی پەی شارتەیۊ تاوانوو ئا دووە سەروازانە و بەرشییەشانە جە چەمڎاری و سزۍ.
ژ.ت
