چن شارێوەنە بانگەواز پەی ١و ئایاری کریا
وەڵۍ ١و ئایاری، ڕۊو جەهانیی کرێکارا، جە چالاکییەکا ئەزمیر، ئامەد، مێرسینی و ئەدەنەینە بانگەوازکریا پەی مجیایرەی دلۍ مێڎانەکا.
ئەزمیرنە، کۆمیتەو ئاماڎەکارو ١و ئایاری جە کۆناکەنە ئەرەیاۋنێوەش ۋەناوە و داواش کەرڎ جە ١و ئایارینە گرڎ کەسۍ جە مېڎانوو گوندوگدوینە کوۍ باوە.
سکرتێرەو نووسینگەو یاسایی ئەزمیری زوهرە دالکیرانە سەرنجش وست سەرو گەندەڵی و کاریگەرییەکا دەسەڵاتی تاکڕەوی و واتش: "پەنەوازا پەی سیستەمێوە یەکسانی و دادپەروەرانەی ۋێما ڕێکوزمۍ".
ئامەدەنە وەڵۍ ئا گلېرۊبیەینە جە مېڎانوو وێستگەینە ئەنجام مڎریۆ، کۆنگرەی ڕۆنامەنوویسی بینیا، هامسەرۆکۊو دەم پارتی ئامەدی گوڵشەن ئۆزەرە داواش جە گرڎ لێوە و بەتایبەت ژەنا و جوانا کەرد بەشداری چالاکییەکاو ١ و ئایاری بکەرا.
جە مێرسیننە چا گلېرۊبیەینە بە سەرمەشقایەتی ئەنجوومەنو ژەنا دەم پارتی و تەژەئای کریا، داواکریا ژەنی دژو نایەکسانی جێندەری و میلیتاریزمی مجیارە مېڎانەکا.
جە ئەدەنەنە پەی بەشداری جە مەراسیمەکا مېڎانوو وێستگەی، جە گەڕەک و بازاڕەکانە وەڵاکراوۍ ١ و ئایاری بەخشیێوە. داوا جە گەلی کریا بەشداری گلېرۊبیەکەی بکەرا.
